Genesis 16:12 - Tagbanwa

¹² Anak mu ngaytu, kaꞌalimbawaan ya, simarun nga kabayuꞌ ka egay tandang takenaꞌ. Kakuntraꞌ kanyat muꞌsang mga taw baw muꞌsa ngaytu, kanya nagang mga kakuntraꞌ. Pati mga kaduguꞌan ya, kuntraꞌen ya naga.”

Genesis 16:12 Iomraidhean Croise

Genesis 21:20

Talagang ega nagang matuud piyabaya-bayaꞌan it Ampuꞌang Diyus si Ismael ngayti. Duꞌun nay diyakulaꞌan ya it kapupuyangtan nga rugar nga Paran. Pagdakulaꞌ ya, bantug kanya nga manlulugitem. Gamit ya, panaꞌ.

Genesis 27:40

Kat basiꞌ mu, iyan i imu nga ikaꞌgen. Manigsirbi ka nga matuud it sulsug mu, temed mabut naga nga sumang kaꞌanu, in pakikuntraꞌ i mga tungtung-inapuꞌ mu, makapulintas naga sira kat magsasakep ngaytut kanira.”

Genesis 37:25

Desang mamagkaraꞌnen na sira, may nalawag nira nga bulyug it mga Ismaelita, nga manigdagang nga garing duꞌut Galaad. Dakulang pamiri-pirisiꞌen it mga kamelyo nira, mga pagbuwateng babangluun, balsamo, mga mira, nga muꞌsa ngayti, idagang nira duꞌun it Egipto.