Genesis 15:9 - Tagbanwa

⁹ Maat siꞌ it AMPUꞌANG DIYUS, “Misiꞌ ka it dumaraga nga bakaꞌ, esa gasiꞌ i babay nga kambing baw sangbat gasiꞌ i tudu nga tupa. Kaꞌilangan idad it tulu ngaytu, tagtutulung taꞌun paꞌ. Misiꞌ ka gasiꞌ it esay uꞌuybun it kalapatiꞌ baw esa gasiꞌ i uꞌuybun it punay. Tabanen mu nga muꞌsa situt aken.”

Genesis 15:9 Iomraidhean Croise

Genesis 15:10

Pagkapisiꞌ ni Abram it muꞌsang ipiyagꞌaat ngayti, biyegsang ya na. Pagkabegsang ya, idiyaꞌtun ya it nagpatuꞌ-patuꞌun i kada begsang. Temed duwa ngayting uꞌuybun it manu-manuk, ega biyegsang ya.

Genesis 15:8

Maat siꞌ i tubag ni Abram, “Tabiꞌ, Agalen ku, unuy kamatuudan it talagang maꞌaken i itung banwa?”

Genesis 22:13

Pagpatingkag ni Abraham it ulu ya, naltegan yay esang tudu nga tupa nga nakasaꞌit i tanduk ya duꞌut sangat kayu-kayu. Iti nay pinsiꞌ ni Abraham nga inanteng, nga ganti it anak ya ngayti.

Lucas 2:24

Langkuy nagbuwat sira it ipagpanlimpiyuꞌ ngayti kat panleteg it Ampuꞌang Diyus, nga yan gasiꞌ i inaat it urdin, nga ibgay nira nga antengen, duwang batu i manu-manuk nga kalapatiꞌ, u maski punay, basta uꞌuybun, nga duwang batu naga.