Genesis 15:5 - Tagbanwa

⁵ Bawnga inaat it AMPUꞌANG DIYUS si Abram nga manliꞌwan duꞌut balay. Bawnga maat ya siꞌ, “Tingaraꞌen muy langit ka bilangen muy mga bituꞌun, in mabilang mu naga. Subung it kadakel it mga bituꞌun ngayan i kadakel it mga tungtung-inapuꞌ mu.”

Genesis 15:5 Iomraidhean Croise

Genesis 12:2

Ka ituy sanggup ku it imu. Buwaten ku ikaw nga esang dakulaꞌ nga bangsa, baw pagꞌildawan ku ikaw nga pirmi. Buwaten ku nga mabantug i imung ngaran baw buwaten ku ikaw nga panggaringan it maꞌildawan i beken.

Genesis 13:16

Talagang buwaten ku nga subuk kapu-kaput lugtaꞌ i kadakel it mga tungtung-inapuꞌ mu. In beteꞌ may magkabilang it kapu-kapu, ta mabilang nagay mga anak-inapuꞌ mu.

Genesis 16:10

Beken pang inaat ya, “Padaklen ku nga padaklen nga banar i mga tungtung-inapuꞌ mu seked it ega na mabilang i kadakel nira.

Genesis 17:2

Ka talagang tumanen kuy isiyanggup ku ngaytut imu nga padaklen ku nga banar i mga tungtung-inapuꞌ mu.”

Genesis 22:17

Ildaw ku it imu, talagang mga tungtung-inapuꞌ mu, dumakel sira nga subung it kadakel it mga bituꞌun duꞌut langit baw igis duꞌut baybayan. Daꞌgen nira i mga bangsa nga kalaban nira.

Genesis 26:4

Talagang padaklen ku i mga tungtung-inapuꞌ mu nga subung it kadakel it mga bituꞌun duꞌun it langit. Baw talagang ibgay ku it mga tungtung-inapuꞌ mu i kapuꞌsaan it itung mga banwa, baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit.

Genesis 28:14

Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit.

Genesis 32:13

Duꞌun nat Mahanaim ngayti i inigaꞌan na Jacob. Pagꞌeyag it aldaw, nagꞌareg nga lagi si Jacob it ibgay ya nga bilang abut yat ki Esau.

1 Mga Adiꞌ 3:8

Ipiyatindeg mu aku nga mamaalaꞌ kat mga taw ngaytu nga piniliꞌ mu, kat mga taw ngaytu nga ega na magkapuurat kabilang i kadakel.

Exodo 32:13

Demdemen mu naga i mga manigsirbi mu nga si Abraham, si Isaac baw si Jacob. Ka isiyanggup mu it kanira nga mga tungtung-inapuꞌ nira, padaklen mu nga subung it kadakel it mga bituꞌun duꞌut langit, baw seked it magtungtung-magꞌinapuꞌ makanira i kapuꞌsaan it banwa nga isiyanggup mu it kanira.”

Roma 4:18

Si Abraham ngaytu, talagang dakulay pamayaꞌ yat inaat it Ampuꞌang Diyus nga subuk kadakel it bituꞌun i kadakel it mga tungtung-inapuꞌ ya. Maski ega na talaga mapakay nga makaꞌanak paꞌ kanya, ininggetan ya talagay pamayaꞌ yat sanggup ngayti. Aypaꞌ nagbaraꞌ kanyang matuud nga amaꞌ it dakel nga bangsa.

Deuteronomio 10:22

Pitung puluꞌ lamang i mga kagiyaringanan tami, pagpaꞌaduꞌun nirat Egipto, temed kayti piyadakel kamu nat AMPUꞌANG DIYUS mi, subung nat kadakel it bituꞌun duꞌut langit.”

Hebreo 11:12

Aypaꞌ ka maski esa-esa si Abraham ngaytu, baw kaꞌaat ka patay na kanya kat kagurang ya, temed kanyay liniꞌwanan it tungtung-inapuꞌ nga ega mabilang, nga subung nat kadakel it bituꞌun duꞌut langit baw atnat igis duꞌut baybayan.

Josue 24:3

Temed tiyaban ku si Abraham ngayti garing duꞌun it iting rugar baw piyapanaw ku kanya it pagtatarimaen ku duꞌut kalayawan it Canaan. Baw talagang inildawan ku kanya it dakel nga banar nga inapuꞌ. Sabap kat ildaw ku, nanganak sirat ki Isaac.