Genesis 15:1 - Tagbanwa

¹ Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Genesis 15:1 Iomraidhean Croise

Genesis 15:2

Katubag si Abram, maat ya, “In iyan, magpasalamat aku, Agalen, temed subuk egay kapulusan it begayan mu aku, ka aku, egay aꞌanak. Siyu i sumubli? Daꞌga yanay sumubli, si Eliezer ngaytu nga taga Damasco?

Genesis 15:4

Temed maat i tubag it AMPUꞌANG DIYUS it kanya, “Egaytu itung taw i sumubli it kusas mu, in daꞌga talagang garing kat sadili mu nga bilug i sumubli.”

Genesis 21:17

Nagnegan it Ampuꞌang Diyus i sugaw ngaytit waꞌwaꞌ. Pagkagneg ya, nanggaꞌmaran i Anghil it Ampuꞌang Diyusnga duꞌun it langit i garing it ampang ngayti. Maat ya, “Agar, unuy magkasmekan mu? Ayaw kat regen. Nagnegan it Ampuꞌang Diyus i sugaw it anak mu.

Genesis 22:1

Nagtaꞌlib i mga taꞌun, siyukdanan it Ampuꞌang Diyus si Abraham. Tiyaꞌwagan kanyat Ampuꞌang Diyus, nga magꞌaat, “Abraham!” “Wayni aku, Agalen ku,” maat i tubag ya.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 31:7

Temed lamang kaꞌustuꞌan i pagsirbi ku, paglukuun ya ga lamang aku. Ka pirmi kanya nga magꞌugad-ugad it upakat namen. Temed subung nat paꞌaaten ku ngayan nga daꞌku naga pagpabaya-bayaꞌan it Ampuꞌang Diyus nga pakuriꞌan it amaꞌ mi i ginawa ku.

Exodo 14:13

Katubag si Moises it kadakel ngayti, maat ya, “Ayaw kamu bat iꞌlam. Gayen-gayenen mi i nakem mi. Elaten mi na lamang in magꞌuꞌunu i panribri it AMPUꞌANG DIYUS it imyu kayti. Yay matuud, ega nayan maltegan mi it sumaꞌup i mga taga Egipto ngayan.

Isaias 43:1

Bangsa nga Israel, kamu nga mga tungtung-inapuꞌ ni Jacob, itu i ipagsasar it AMPUꞌANG DIYUS nga nagguna it imyu. “Ayaw kamu it iꞌlam. Ipagribri ku yan kamu. Akuy nagpabetang-betang it in siyu kamu nga mga taw, nga kamu, aken talaga.

Mga Panganin-anin 3:24

Ipagpamatuud it nakem ku nga begayan aku nga pirmi it AMPUꞌANG DIYUS it muꞌsang mga pagkaꞌilanganen ku. Aypaꞌ duꞌun it kanya lamang i pagsarig ku.

Mateo 28:5

Temed kat mga babay ngayti maat ya, “Ayaw kamut iꞌlam, ka magkaꞌrutan ku nga si Jesus nga iriyansang duꞌun it krus i pagꞌengden mi.

Mateo 8:26

Pagmukrat ni Jesus, maat yat kanira, “Unu nay magkaiꞌlaman mi nga atnakayan, it aku naga i iba mi? Talagang dekeyeꞌ i pamayaꞌ baw pagsarig mit aken.” Nagbangun na kanya baw biyugrakan yay deres nga yemengyeng na, baw kat lapnaw, lumantap na. Unupat limnantap nat atna.

Lucas 1:13

Temed miyampang i anghil ngayti. “Zacarias,” maat ya, “ayaw kat iꞌlam, piyagnegan it Ampuꞌang Diyus i panalangin mu it kaꞌlay ngaytu baw may sambung ya na. Kayti, manganak nay asawa mu nga si Elisabet. Lalaki yan i sumakit. Si Juan i ipangaran mu.

Lucas 1:30

Maat siꞌ it anghil ngayti, “Ayaw kat iꞌlam, Maria, sabap piniliꞌ ka nga matuud it Ampuꞌang Diyus nga ildawan ya.

Lucas 12:32

“Ayaw kamut iꞌlam, kamu nga pagtatarimaen ku nga bilang dekeyeng paenan it tupa ku. Sabap kasasagyaan talaga it Amaꞌ mi i pabetang-betang ya nga sakpen ya kamu kat kaꞌadiꞌan ya.

Mga Binwat 10:22

Itiyuturan na niray enged nira. Maat nira, “Amay, panaw namen ngaytu, tiyaꞌeg kamit pagbayaꞌen namen nga si Cornelio. Esa kanyang kapitan it sundaluꞌ duꞌut Cesarea. Itu nga taw, mataldeng kanya kat panleteg it Ampuꞌang Diyus nga paggalangen ya it may iꞌlam, baw pagdaya-dayawun kanya it muꞌsang mga Judio duꞌun it rugar namen. Inaat kanyat esang anghil it Ampuꞌang Diyus nga ipapisiꞌ ya ikaw situ ka papaꞌaduꞌunun kat balay ya, isaꞌun makagneg kanya it mga makapaꞌyag mu.”

1 Corinto 3:22

Alimbawa mga manigpangadal, nga subuk aku, si Apolos, baw si Pedro, ipiyagbegay it Ampuꞌang Diyus it imyu kat ikagayen mi nga muꞌsa. Atnaga i muꞌsang bagay. Iyan banwa ngaytu, iyan kaꞌgenan, kamataynen, mga bagay kayti baw iyan kat pagdadarapaꞌen, kat ikagayen mi talagay muꞌsa.

Deuteronomio 31:6

Magpakalalaki kamu nga daꞌkamu gugumir-gumiren. Ayaw kamut pagulat. Ayaw kamut iꞌlam it kanira, ka iba mi nga pirmi i AMPUꞌANG DIYUS. Talagang ega pablagan u tananan ya kamu.”

Hebreo 1:1

Iyan timpu paꞌ it mga kagiyaringanan tami, iyan mga kusugiden it Ampuꞌang Diyus it kanira, ipiyaꞌampang yat mga prupitaꞌ kat belag-belag nga timpu baw belag-belag gasiꞌ nga pabetang-betang ya.

Mga Ipiyalteg 1:17

Pagkalteg kut kanya ngayti, simnuꞌsub aku na duꞌut aꞌay ya. Ega nakariꞌe-riꞌeng aku ka subuk ega nay giginawa ku. Temed tiyapal ya aku it iwanan nga alima ya baw inaat ya, “Ayaw kat iꞌlam. Aku i uꞌnat muꞌsa baw aku nagay kat sinauryan. Talagang kat pamegbeg ku i muꞌsa.

1 Samuel 15:10

Ta it atkayti, maat siꞌ it AMPUꞌANG DIYUS it ki Samuel,