Genesis 13:2 - Tagbanwa

² Talagang si Abram ngayti, kiminseg na nga taw, ka maꞌayepen na nga banar, mabulawanen na baw mapiraken na.

Genesis 13:2 Iomraidhean Croise

Genesis 12:16

Piyaltegan ya si Abram ngayti it magayeng adat sabap it iti nga babay. Aypaꞌ subraꞌ nga dimnakulaꞌ i mga kusas ni Abram. Dakel i napisiꞌ yang mga tupa, kambing, bakaꞌ, baw kabayuꞌ nga asno nga inaꞌan baw tudu, mga uripen nga babay, lalaki, baw mga kamelyo.

Genesis 13:6

Ta it nagsubung sirang maꞌayepen, daꞌsira na sumadang in sang karuga-rugaran lamang i taꞌidan nirang duwa. Ka yanayti, dakel nang banar i mga ayep nira baw dakel nang mga kaꞌuripnan, aypaꞌ ega na mapakay nga magsagpun sira it sang karuga-rugaran lamang.

Genesis 24:1

Gurang nang gurang nga matuud si Abraham. Muꞌsang pangaꞌgenan ya, talagang pagꞌildawan kanya nga pirmi it AMPUꞌANG DIYUS.

Genesis 24:35

Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun.

Genesis 26:14

Sabap maꞌayepen kanya nga banar baw dakulay pamalay-balay ya, aypaꞌ ininggitan na kanyat mga Filisteo.

Genesis 30:43

Aypaꞌ subraꞌ nga kiminseg na si Jacob ngayti. Dimnakel nay mga ayep ya nga tupa, kambing, kamelyo, kabayuꞌ nga asno, baw dimnakel na gasiꞌ i mga uripen ya, babay, lalaki.

Mateo 6:33

Aypaꞌ ipadaꞌeg mi nga pirmi kat nakem mi i kamatuudang pagpasakep mi it Ampuꞌang Diyus baw eꞌres nga pagsunud mi it pangaꞌgenang mataldeng nga ipiyagꞌurdin ya. Bawnga iꞌildaw yat imyu i mga bagay ngaytu nga pagkaꞌilanganen mi.

1 Timoteo 4:8

Sabagay may kapulusan nagat pagpakseg it bilug. Temed dakulaꞌ paꞌ talagay kapulusan it pagpakseg it pagsunud it kaꞌirgan it Ampuꞌang Diyus. Sabap liꞌwan ya, maꞌaten i isiyanggup nga ega basta-bastang kaꞌgenan mintras situ tami pat denaꞌ baw in duꞌun ta nat langit.