Genesis 13:11 - Tagbanwa

¹¹ Aypaꞌ iti i piniliꞌ ni Lot, muꞌsa ngayting daranasan it Jordan. Nagpablag na si Lot it amayan ya ngayti ka naꞌaduꞌun nat napiliꞌ ya ngayti nga ayun kat lebatan.

Genesis 13:11 Iomraidhean Croise

Genesis 13:10

Nanlawag-lawag si Lot, nalawag ya i kalayawat daranasan it Jordan nga garing sikaytiꞌen seked it duꞌun nat Zoar. Paꞌari-aring ayun may danum. Talagang maluꞌgum nga paglawagen, subung nat kalulwakan it AMPUꞌANG DIYUS nga duꞌut Eden, baw banwa ngayting Egipto, sabap kat iting timpu, ega paꞌ riyanggaꞌ it AMPUꞌANG DIYUS i mga siyudad it Sodoma baw Gomorra.

Genesis 13:12

Pagbelag nira, ki Abram, duꞌun nay tiyaꞌidan yat Canaan ngayti. Si Lot, duꞌun nat malayaw ngayting daranasan nga napiliꞌ ya. Adeꞌdeng it siyudad it Sodoma i tiyakenaꞌan ya, nga piyakabratan yat mga magkapuru-purun nga balay ya.

Genesis 13:14

Pagkapaꞌugad ni Lot, piyakisugidan sit AMPUꞌANG DIYUS si Abram. Maat ya, “Garing situt pagtataꞌidan mu ngaytu, ipabeyeng-beyeng muy mata mu. Ayun kat lebatan, ayun kat sedpan, ayun duꞌut sur baw ayun duꞌut nurti i pabeyeng-beyengan mut mata mu.

Genesis 13:9

Kayti it malayaw i itung banwa, magꞌuꞌunu ka in daꞌta na magsagpun? Mamiliꞌ ka. In paꞌasini kay imung ayun, ayun kat gibang, paꞌaduꞌun akuy aken it ayun it iwanan. Takaꞌ in paꞌatkayti ka manggid ka paꞌasini kat ayun it iwanan, akuy pagibang manggid.”

Genesis 19:17

Iyan duꞌun na sirat liꞌwan, inaat na sira it esa it mga anghil ngayti, “Ala, malagyu kamu na isaꞌun maribri mi i ginawa mi. Ayaw kamut linga-lingaw baw ayaw kamut pagpaꞌna in situ kamu pat daranasan ngaytu. Duꞌun i abutun mi it mga kabubukidan ngayti, ka barang kaꞌuyut kamu.”

Hebreo 10:25

Kaꞌilangan gasiꞌ nga ega beteꞌ buwaten ta nga papanemdeman i pagtingped tami nga sumamba it Ampuꞌang Diyus, nga subuk adat it mga beken. In daꞌga iyan i magayen, pirmi nga paksegen i pamayaꞌ it esa may esa, subraꞌ na kayti nga subuk pagsisiguruun ta na nga magꞌadeꞌdeng nay pamaꞌuliꞌ it Ampuꞌan situt banwa nga mangukuman.

1 Pedro 2:17

Begayan mit galang i muꞌsang mga taw baw rarasan mi i mga sulsug mi kat pamayaꞌ. Galangen it may iꞌlam i Ampuꞌang Diyus baw kilalaen i pudir it piyakamataꞌas nga punuꞌan it banwa.