Genesis 12:8 - Tagbanwa

⁸ Garing duꞌut piyaꞌabutan ya ngayti, nagpaꞌugad naga si Abram duꞌut mamungsuꞌun nga ayun duꞌut lebatan it lansangan it Betel. Duꞌun nay piyamagbala-balayan nira, nga ayun kat sedpan i Betel ngayti baw ayun duꞌut lebatan nira i lansangan it Hai. Nagpatindeg siꞌ kanya duꞌun it papangantengan it ipagsamba ka siyamba yay AMPUꞌANG DIYUS.

Genesis 12:8 Iomraidhean Croise

Genesis 13:18

Ega naꞌlay piyurun siꞌ ni Abram i balay ya ngayti ka napanaw siꞌ. Duꞌun i piyaꞌabutan yat kakakayuwan ni Mamre nga duꞌut Hebron. Pagꞌabut ya duꞌun, nagbuwat siꞌ it papangantengan it ipagsamba duꞌun it AMPUꞌANG DIYUS.

Genesis 13:3

Garing sikayti nga rugar, magpaꞌugad-paꞌugad naga na Abram seked it nakaꞌbut siꞌ duꞌut Betel. Duꞌun nagay piyaꞌabutan yat tagnaꞌ nga tiyaꞌidan yang rugar nga piyagtengaꞌan it Betel baw Hai.

Genesis 13:4

Duꞌun naga gasiꞌ kayti i piyatindegan yat tagnaꞌ it papangantengan it ipagsamba. Ta egay beken, siyamba ya siꞌ duꞌun i AMPUꞌANG DIYUS.

Genesis 22:9

Pagꞌabut nira duꞌun it ipiyagꞌaat ngaytit Ampuꞌang Diyus nga duꞌun nay pagbuwatan, nagbuwat na si Abraham it papangantengan. Pagkaꞌman ya, ipiyagsagpaw yat pagayen-gayen i kayu ngayting taban nira. Bawnga biyayuk ya na si Isaac ka ipiyaliꞌtid na duꞌut sagpaw.

Genesis 26:25

Aypaꞌ nagbuwat si Isaac it papangantengan ka siyamba yay AMPUꞌANG DIYUS duꞌun kayti. Duꞌun siꞌ kayti i piyakabratan yat mga balay ya ngayti nga magkapuru-purun, baw kimnali siꞌ i mga taawan ya it tabud duꞌun.

Genesis 28:19

Piyangaranan yay iting rugar it Betel, nga ireg sugiden, Balay it Ampuꞌang Diyus. Tagna-tagnaꞌ, pangaran it lansangan nga duꞌut rugar ngayti, Luz.

Genesis 31:25

Ta, abutan na Laban, nakapagbalay-balay na na Jacob duꞌut Bukid ngaytit Galaad. Aypaꞌ ipiyakabrat gasiꞌ na Laban duꞌun i mga bala-balay nira nga magkapuru-purun.

Genesis 33:20

Bawnga nagbuwat kanya duꞌun it papangantengan it ipagsamba duꞌun it Ampuꞌang Diyus. Piyangaranan yay binwat ya ngayti it El-Elohe-Israel, nga ireg sugiden, gunaan i Ampuꞌang Diyus ni Israel.

Genesis 35:3

Ka magpapanaw tami siꞌ nga paꞌugad duꞌun it Betel. Pagꞌabut ta duꞌun, magbuwat aku it papangantengan it ipagsamba duꞌun it Ampuꞌang Diyus. Ka tagnaꞌ ngayting dakulay kakuriꞌan ku, piyagnegan ya i panalangin ku. Baw yay matuud, kanya naga ngaytu i magtatarima it aken kat paꞌari-aring rugar nga piyanawan ku.”

Genesis 35:7

Pagꞌabut nira duꞌun, nagbuwat si Jacob it papangantengan it ipagsamba duꞌut Ampuꞌang Diyus, baw piyangaranan yay rugar ngaytit El Betel, sabap sikayti nagpakikita it kanya i Ampuꞌang Diyus, pagpalagyu ya ngaytit akaꞌ ya.

Genesis 4:26

Pagpangasawa ni Set, nakaꞌanak it lalaki, piyangaranan yat ki Enos. Garing duꞌun it iting timpu, nagpapuꞌun nay mga kaꞌanakan ngayti ni Set nga tumaꞌwag it AMPUꞌANG DIYUS nga pagsambaen nira na it mamagtingped.

Genesis 8:20

Bawnga nagbuwat si Noe it papangantengan it ipagsamba duꞌun it AMPUꞌANG DIYUS. Pagkaꞌman ya, minsiꞌ kanya kat mga ramu-ramu baw manu-manuk nga mapakay nagang ipagsamba ka isiyalisi ya duꞌun it AMPUꞌANG DIYUS. Mga iti ngayti nga ipagpasalamat ya, inanteng ya duꞌun it papangantengan ngayti.

Exodo 17:15

Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.”

Mga Binwat 2:21

Baw yay matuud, maribri i kumpur magpaꞌildaw it aken”, maat it Ampuꞌang Diyus.’”

Hebreo 11:9

Kat keseg it pamayaꞌ baw pagsarig ya nanaꞌidan kanya nga subung it dayuꞌan lamang duꞌun it rugar nga iti na i isiyanggup it kanya it Ampuꞌang Diyus. Balay nga pagꞌiꞌistaran ya, magkapuru-purun lamang, atnaga si Isaac baw si Jacob nga timnanggap gasiꞌ it sanggup it Ampuꞌang Diyus nga atkayti naga.

Josue 7:2

Ta, binwat siꞌ ni Josue, may piyapanaw ya nga sumunda it siyudad it Hai, nga kat lebatang ayun it Betel nga adeꞌdeng duꞌun it Bet-aven.

Josue 8:3

Egay beken, inasikasu ni Josue i muꞌsang mga taawan ya ka rumpakan nira siꞌ i Hai. (Pagkalte-kalteg it mga sundaluꞌ it Hai it mga Israelita siꞌ ngayti, diyaliꞌan nira nga lagi ka pakibunuꞌan siꞌ. Nagbeteꞌ-beteꞌ i mga Israelita nga mamagꞌatras naga sira. Tanud it taga Hai, pagdaꞌgen siꞌ sira, aypaꞌ ka siging usig nira. Iyan alaid nay mamagꞌusig ngayti, namusut-busut i mga mamagpatataguꞌ ngayti nga mga taawan ni Josue. Siyuriban nira nay siyudad ngayti. Pagkalawag na Josue it may magtindeg nang tabuk, siyarunga na niray mamagꞌusig ngaytit kanira, ka yapay pakibunuꞌ nira.)

Josue 8:30

Pagkatiwas it muꞌsa ngayti, nagpatindeg si Josue it papangantengan duꞌun it Bukid it Ebal ka sambaen nira i AMPUꞌANG DIYUS it bangsa nira nga Israel.

Mga Pagbayaꞌen 6:24

Aypaꞌ binwat ni Gedeon, nagbuwat kanya duꞌun kayti it papangantengan it ipagsamba duꞌun it AMPUꞌANG DIYUS. Piyangaranan yay papangantengan ngayti it AMPUꞌANG DIYUS i Kaꞌimbengan. Duꞌun paꞌ it seked kayti i binwat ya ngayti, nga duꞌun it Ofra nga sakep it kaꞌanak-anakan ni Abiezer.