Genesis 12:7 - Tagbanwa

⁷ temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 12:7 Iomraidhean Croise

Genesis 12:8

Garing duꞌut piyaꞌabutan ya ngayti, nagpaꞌugad naga si Abram duꞌut mamungsuꞌun nga ayun duꞌut lebatan it lansangan it Betel. Duꞌun nay piyamagbala-balayan nira, nga ayun kat sedpan i Betel ngayti baw ayun duꞌut lebatan nira i lansangan it Hai. Nagpatindeg siꞌ kanya duꞌun it papangantengan it ipagsamba ka siyamba yay AMPUꞌANG DIYUS.

Genesis 13:15

Sabap kat paꞌari-ari ngaytung ayun nga ipagpalawag kut imu, ibgay kuytung muꞌsa it imu, subliyen it anak-inapuꞌ mu seked it maꞌlay.

Genesis 13:17

Ta, panaw-panawan mu, letganan muy kalayaw baw kaꞌalaid, ka talagang ibgay ku it imu.”

Genesis 13:18

Ega naꞌlay piyurun siꞌ ni Abram i balay ya ngayti ka napanaw siꞌ. Duꞌun i piyaꞌabutan yat kakakayuwan ni Mamre nga duꞌut Hebron. Pagꞌabut ya duꞌun, nagbuwat siꞌ it papangantengan it ipagsamba duꞌun it AMPUꞌANG DIYUS.

Genesis 13:4

Duꞌun naga gasiꞌ kayti i piyatindegan yat tagnaꞌ it papangantengan it ipagsamba. Ta egay beken, siyamba ya siꞌ duꞌun i AMPUꞌANG DIYUS.

Genesis 15:18

Sikayti ipiyamatuud it AMPUꞌANG DIYUS nga talagang tumanen yay pakiꞌupakat ya ngaytit ki Abram. Maat ya, “Talagang ibgay kut mga tungtung-inapuꞌ mu i itung banwa, garing duꞌut matanug nga danum it banwa nga Egipto mabut duꞌut kadanuman it Eufrates.

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

Genesis 17:3

Nanluud si Abram baw itinꞌem yay rupa ya duꞌun it lugtaꞌ. Sigi nga ampang it Ampuꞌang Diyus ngayti.

Genesis 17:8

Talagang ibgay kut imu baw mga tungtung-inapuꞌ mu i mga rugar nga pagpanaw-panawan mu, muꞌsa ngaytung banwa nga Canaan, nga piyakakusas nira it seked maꞌlay nga banar. Baw talagang tarimaen ku sira, aku nga Ampuꞌang Diyus nira.”

Genesis 18:1

Saꞌup siꞌ nga pakikita it AMPUꞌANG DIYUS it ki Abraham, duꞌun it pagbabalayan ngayti na Abraham nga duꞌut kakakayuwan ni Mamre, kaꞌsang magꞌaꞌdung si Abraham duꞌun it salakwatan it balay ya ngayting magkapuru-purun. Magpaderes-deres kanya ka masgay aldaw.

Genesis 22:9

Pagꞌabut nira duꞌun it ipiyagꞌaat ngaytit Ampuꞌang Diyus nga duꞌun nay pagbuwatan, nagbuwat na si Abraham it papangantengan. Pagkaꞌman ya, ipiyagsagpaw yat pagayen-gayen i kayu ngayting taban nira. Bawnga biyayuk ya na si Isaac ka ipiyaliꞌtid na duꞌut sagpaw.

Genesis 24:7

Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku.

Genesis 26:25

Aypaꞌ nagbuwat si Isaac it papangantengan ka siyamba yay AMPUꞌANG DIYUS duꞌun kayti. Duꞌun siꞌ kayti i piyakabratan yat mga balay ya ngayti nga magkapuru-purun, baw kimnali siꞌ i mga taawan ya it tabud duꞌun.

Genesis 26:3

Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

Genesis 28:4

Baw sana gasiꞌ tumanen it Ampuꞌang Diyus kat bilug mu i isiyanggup ya it apuꞌ mu nga si Abraham. Ega lamang kat bilug mu, pati anak-inapuꞌ mu, isaꞌun masadili mi i banwa ngaytu nga piyanumpangan ta, banwa ngaytu nga isiyanggup it Ampuꞌang Diyus it amaꞌ ku nga si Abraham.”

Genesis 32:30

“Aaꞌ,” maat ni Jacob, “naꞌrutan ku na palan, Ampuꞌang Diyus na kanya. Nabilug ku na kanyat kalteg temed it daꞌku naga naꞌunu. Egen aku naga.” Aypaꞌ pangaranan yay sikaytit iting rugar, Peniel.

Genesis 33:20

Bawnga nagbuwat kanya duꞌun it papangantengan it ipagsamba duꞌun it Ampuꞌang Diyus. Piyangaranan yay binwat ya ngayti it El-Elohe-Israel, nga ireg sugiden, gunaan i Ampuꞌang Diyus ni Israel.

Genesis 35:12

Baw itung banwa ngaytu nga isiyanggup ku it apuꞌ mu nga si Abraham baw amaꞌ mu nga si Isaac nga ibgay ku it kanira, ibgay ku nagaytu it imu, subliyen it anak-inapuꞌ mu.”

Genesis 35:7

Pagꞌabut nira duꞌun, nagbuwat si Jacob it papangantengan it ipagsamba duꞌut Ampuꞌang Diyus, baw piyangaranan yay rugar ngaytit El Betel, sabap sikayti nagpakikita it kanya i Ampuꞌang Diyus, pagpalagyu ya ngaytit akaꞌ ya.

Genesis 50:24

Iyan atnakayti i kagurang ni Jose, maat yat mga sulsug ya ngayti, “Siguru daꞌku naytu paꞌlayen situt banwa. Temed maski na, ayaw kamut kasusa ka tarimaen kamu naga it Ampuꞌang Diyus, baw paꞌuliꞌen kamu naga duꞌut banwa nga isiyanggup it Ampuꞌang Diyus it mga apuꞌ ta nga si Abraham baw si Isaac, atnagay amaꞌ ta ngaytu nga si Jacob.”

Genesis 8:20

Bawnga nagbuwat si Noe it papangantengan it ipagsamba duꞌun it AMPUꞌANG DIYUS. Pagkaꞌman ya, minsiꞌ kanya kat mga ramu-ramu baw manu-manuk nga mapakay nagang ipagsamba ka isiyalisi ya duꞌun it AMPUꞌANG DIYUS. Mga iti ngayti nga ipagpasalamat ya, inanteng ya duꞌun it papangantengan ngayti.

1 Mga Adiꞌ 18:32

Binwat ya nga papangantengan it ipagsamba duꞌun it AMPUꞌANG DIYUS i mga batu ngayti, bawnga kiyaliyan yay linibut it dakulang kali.

Esdras 3:2

Pagkatingped, biyaꞌgu na nira i papangantengan nga pagꞌantengan it mga pagbuwaten nga ipagsamba nira it Ampuꞌang Diyus it bangsa nira nga Israel, uyun kat magsusurat duꞌun it mga urdin nga ipiyaskel it ki Moises nga manigsirbi it Ampuꞌang Diyus it tagnaꞌ. Kat buwat nira ngayti, piyanguꞌnaan sira ni Jesua nga anak ni Josadac, mga kaꞌibaan ya nga sasirduti, baw si Zorobabel nga anak ni Sealtiel, kaꞌuyutan it beken nga mga kaduguꞌan ya.

Exodo 17:15

Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.”

Exodo 24:4

Bawnga isiyurat ni Moises i muꞌsa ngayti nga inaat it AMPUꞌANG DIYUS. Pagꞌeyag siꞌ it aldaw nga kadedelman pang banar, nagbuwat si Moises it papangantengan duꞌut siyangkedan it bukid ngayti. Bawnga nagpatindeg kanya it sang puluꞌ may duwang batu i batu. Piyapatu-patuꞌan ya, sang puluꞌ may duwang kuyunan nga mga tungtung-inapuꞌ ni Jacob.

Exodo 32:13

Demdemen mu naga i mga manigsirbi mu nga si Abraham, si Isaac baw si Jacob. Ka isiyanggup mu it kanira nga mga tungtung-inapuꞌ nira, padaklen mu nga subung it kadakel it mga bituꞌun duꞌut langit, baw seked it magtungtung-magꞌinapuꞌ makanira i kapuꞌsaan it banwa nga isiyanggup mu it kanira.”

Exodo 33:1

Inaat siꞌ it AMPUꞌANG DIYUS si Moises. Maat ya, “Tananan mi nay itung rugar, ikaw baw mga taw ngayan nga ipiyaliꞌwan mu duꞌut Egipto. Paꞌaduꞌun kamu na it banwa nga isiyanggup ku it ki Abraham, ki Isaac baw ki Jacob. Isiyanggup kut kanira nga ibgay ku it mga tungtung-inapuꞌ nira.

Exodo 6:3

Nagpakikita aku it ki Abraham, ki Isaac baw ki Jacob. Ipiyagsugid ku nga aku i Ampuꞌang Diyus nga landaw nga gunaan. Temed egay ipiyalteg ku it kanira nga adat ku nga magbayaꞌ it ngaran ku nga AMPUꞌANG DIYUS, adat ku nga magtuman it ipiyakiꞌupakat ku.

Exodo 6:4

Nagpakiꞌupakat aku naga it kanira nga uyut i sanggup ku nga ibgay ku it kanira i banwa nga Canaan, iyan banwa nga pagtataꞌidan nira it iting timpu it subung paꞌ sira it dumadayuꞌ duꞌun.

Mga Binwat 7:5

Temed, lamang piyapaꞌugad situ si Abraham ngayti, maski sang tapal nga lugtaꞌ, egay ibinggay it Ampuꞌang Diyus it kanya nga sadili ya. Temed, lamang atkayti, isiyanggup it Ampuꞌang Diyus nga talagang ipasadili ya it kanya i banwa ngaytu, nga subliyen it mga tungtung-inapuꞌ ya, lamang ega pay aꞌanak yat iting timpu.

Roma 9:8

Ituy pagpaꞌulugan kaytu, paribasay si Isaac lamang i anak nga isiyanggup it Ampuꞌang Diyus it kana Abraham, iyan mga tungtung-inapuꞌ ni Isaac lamang ngaytu i kilalaen nga mga tungtung-inapuꞌ ni Abraham nga tumanggap it mga isiyanggup it Ampuꞌang Diyus. Iyan mga tungtung-inapuꞌ it anak ngayti ni Abraham nga belag i inaꞌ, daꞌsira kilalaen nga bangsa nga piniliꞌ it Ampuꞌang Diyus nga tumanggap it mga isiyanggup ya ngaytu.

Galacia 3:16

Ta kayti, iyan isiyanggup it Ampuꞌang Diyus it ki Abraham it tagnaꞌ, nga garing it kanya maꞌildawan i muꞌsang taw, kat sangbat lamang nga kaꞌanakan ni Abraham ngaytu i katumanan ya. Ka ega ireg sugiden matuman kat dakel nga kaꞌanak-anakan ya, in daꞌga sangbat tu i pagpaꞌulugan, si Cristo lamang.

Galacia 4:28

Ta kayti, mga kasulsugan, kita nga magpamayaꞌ na it ki Cristo, kita na i mga anak it Ampuꞌang Diyus nga katumanan it isiyanggup ya, subung it ki Isaac ngayting anak ni Sara.

Deuteronomio 34:4

Inaat kanyat AMPUꞌANG DIYUS, “Iyan i banwa ngayan nga isiyanggup ku it mga kagiyaringanan mu nga si Abraham, si Isaac baw si Jacob, subliyen it mga tungtung-inapuꞌ nira. Ipiyalteg kuytu it imu temed daꞌka na kaꞌbut duꞌun.”

Hebreo 11:13

Sira ngaytung siyanggupan, seked it aldaw nga natay sira teꞌteꞌ talagay pamayaꞌ nirat inaat it Ampuꞌang Diyus. Ka maski ega nagꞌabut kat timpu nira i mga isiyanggup yat kanira temed atnat magkalawag na nira baw pagpaꞌbutun nira it masagyay nakem. Talagang natantuwan nira nga sira, dumadayuꞌ lamang baw subung lamang sira it magpangintataawan situt banwa.

Hebreo 11:8

Ta, sabap gasiꞌ it pamayaꞌ baw pagsarig ya it Ampuꞌang Diyus, siyunud ni Abraham i inaat it Ampuꞌang Diyus it kanya nga paꞌugad duꞌun it ipasadilit kanya nga rugar. Talagang ega diyaꞌga ya maski egay uru-urut ya pasar it rugar ngayti nga paꞌaduꞌunan ya.

Josue 1:6

Siguruun mu nga daꞌka gugumir-gumiren, magpakalalaki kang banar, ka ikaw siꞌ i manguꞌna it mga kadakel ngaytu it sakpen i banwa ngaytu nga ibgay kut imyu subung nat isiyanggup ku it mga kiyaꞌapuꞌ-apuꞌan mi.

Josue 8:30

Pagkatiwas it muꞌsa ngayti, nagpatindeg si Josue it papangantengan duꞌun it Bukid it Ebal ka sambaen nira i AMPUꞌANG DIYUS it bangsa nira nga Israel.

Mga Pagbayaꞌen 6:24

Aypaꞌ binwat ni Gedeon, nagbuwat kanya duꞌun kayti it papangantengan it ipagsamba duꞌun it AMPUꞌANG DIYUS. Piyangaranan yay papangantengan ngayti it AMPUꞌANG DIYUS i Kaꞌimbengan. Duꞌun paꞌ it seked kayti i binwat ya ngayti, nga duꞌun it Ofra nga sakep it kaꞌanak-anakan ni Abiezer.

1 Samuel 7:17

Pagkatiwas, muliꞌ siꞌ duꞌut Rama ka duꞌun i takenaꞌ ya, baw ipasigi ya duꞌun i pamaalaꞌ yat mga Israelita ngayti. Baw nagbuwat kanya duꞌun it Rama ngayti it papangantengan it ipagsamba duꞌun it AMPUꞌANG DIYUS.