Genesis 12:5 - Tagbanwa

⁵ Piyabayaꞌ naga ni Abram i asawa ya ngayting si Sarai baw si Lot ngayting anak it sulsug ya. Taban niray muꞌsang mga kusas nira. Piyabayaꞌ nira gasiꞌ i mga uripen nga naꞌalang nira duꞌun it Haran ngayti. Namagpanaw na sira, nga liminꞌid na duꞌut Haran, namagpaꞌugad na duꞌut Canaan.

Genesis 12:5 Iomraidhean Croise

Genesis 11:27

May esang taw nga pagpangaranat ki Tare. Anak ni Tare ngaytu, si Abram, sumunud si Nacor bawnga si Haran. Manganak si Haran, lalaki. Pangaranan, si Lot.

Genesis 11:31

Ta, miyabut nga nagpaꞌugad si Tare, taban yat nagpaꞌugad i anak ya nga si Abram baw apuꞌ ya nga si Lot, nga yay esang anak ni Haran, pati miyagad ya nga si Sarai nga asawa ngayti ni Abram. Nagliꞌid na sira duꞌut Ur ngayti nga sakep it Caldea ka iyan sana i paꞌugadan nira, banwa nga Canaan. Temed ega naga nakalangbus ka pagkaꞌbut nira duꞌut lansangan nga pagpangaranat Haran, duꞌun nay tiyaꞌidan nira.

Genesis 13:5

Ta, si Lot ngayti nga magbaya-bayat ki Abram, may kanya gasing mga ayep, mga tupa, kambing baw bakaꞌ, baw dakel gasing taawan.

Genesis 13:6

Ta it nagsubung sirang maꞌayepen, daꞌsira na sumadang in sang karuga-rugaran lamang i taꞌidan nirang duwa. Ka yanayti, dakel nang banar i mga ayep nira baw dakel nang mga kaꞌuripnan, aypaꞌ ega na mapakay nga magsagpun sira it sang karuga-rugaran lamang.

Genesis 14:14

Pagkaꞌrut ni Abram it nabetangan it kamanaken ya ngayting si Lot, tiningped yang lagi i mga taawan ya nga lalaki nga pagꞌuꞌubasen it pakibunuꞌ. Kadakel nira, tulung gatus baw sang puluꞌ may walung kataawan. Mga iti ngayti, duꞌun nay siyakitan it seled it pamalay-balay ya. Tiyundug niray mga adiꞌ ngayting nanrumpak. Naꞌbutan nira, duꞌun nat Dan.

Genesis 14:21

Kaꞌampang i adiꞌ ngaytit Sodoma, “Imu na, Abram, i muꞌsat nabaiꞌ mu. Yamanay aken, in ibgay mu nagat aken, muꞌsang mga taawan ku.”

Genesis 28:10

Si Jacob ngayti, nagliꞌid na duꞌut Beer-seba ngayti ka naꞌaduꞌun nat lansangan it Haran.

Mga Binwat 7:4

Egay beken, liminꞌid na kanya duꞌun it banwa it mga Caldeo nga pagtataꞌidan ya ngayti, ka nagpaꞌugad na duꞌut Haran. Garing duꞌut iting banwa, pagpatay it amaꞌ ya, piyapaꞌugad kanya sit Ampuꞌang Diyus situ nat itung banwa nga pagtataꞌidan ta na ngaytu kayti.