Genesis 12:3 - Tagbanwa

³ Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Genesis 12:3 Iomraidhean Croise

Genesis 18:18

Sabap piniliꞌ ku kanya nga garingan it esang dakulaꞌ nga bangsa. Baw muꞌsang bangsat taw kat sinirungat langit, talagang begayan kut dakulang ildaw nga subuk manggaring situt kanya.

Genesis 18:19

Piniliꞌ ku kanya nga bilang magayeng iba-iba ku isaꞌun tulduꞌan yay kaꞌanakan ya nga sunudun nira i kaꞌirgan ku ngaytu baw mangaꞌgenan sira it mataldeng kat panleteg ku. Ka basta sunudun ga nira, tumanen kuy muꞌsang isiyanggup ku it ki Abraham ngaytu.”

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 24:35

Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun.

Genesis 25:11

Pagpatay ni Abraham, duꞌun sit ki Isaac ngayting anak ni Abraham i ildaw it Ampuꞌang Diyus. Duꞌun i ki Isaac nga tiyaꞌidan it Beer-lahai-roi.

Genesis 26:29

Ituy paꞌaaten namen ngayan nga pagsumpaan ta, nga daꞌkami buwatan mu it maraꞌe-raꞌet. Ireg namen, subung nagat binwat namen it imu nga ega riniꞌe-riꞌeng namen ikaw, egay binwat namen nga maraꞌe-raꞌet it imu. Sabagay piyalꞌid namen ikaw, temed magayen i palꞌid namen it imu. Kayti situt imu nga pirmi i ildaw it AMPUꞌANG DIYUS.”

Genesis 26:4

Talagang padaklen ku i mga tungtung-inapuꞌ mu nga subung it kadakel it mga bituꞌun duꞌun it langit. Baw talagang ibgay ku it mga tungtung-inapuꞌ mu i kapuꞌsaan it itung mga banwa, baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit.

Genesis 27:29

Sana iyan beken nga mga bangsa, magsirbi baw manluud sira it imu. Timindeg ka nga agalen it sulsug mu. Eeꞌ baꞌ, talagang manluud it imu i kaꞌanakan it sulsug mu. Makabetang it ega magayen i kumpur magpabetang it imu it ega magayen. Temed iyan mildaw it imu, sira gasiꞌ i ildawan.”

Genesis 28:14

Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit.

Genesis 30:27

Temed maat i tubag ni Laban it kanya, “In mapakay ka, ireg ku bayan, ayaw ka nat liꞌid situt aken, sabap natantuwan ku duꞌun it may kepetan nga dakulay ildaw it AMPUꞌANG DIYUS it aken sabap lamang it imu.

Genesis 30:30

Pagꞌabut ku situ, dekeyeꞌ pay pagngatanan mi. Kayti ungaytu na, nagdungag na talaga ka itu, ildaw naytut AMPUꞌANG DIYUS it imyu kat kada taꞌeg mut aken. Aypaꞌ kayti, iyan siꞌ i kaꞌilangan nga asikasuun ku, pamalay-balay namen nat amen.”

Genesis 39:5

Egay beken, garing it ipiyabaalaꞌ na ngaytit ki Jose i muꞌsa duꞌut pamalay-balay ngayti ni Potifar, talagang pagꞌildawan nat AMPUꞌANG DIYUS i pamalay-balay it taga Egipto ngayti sabap it ki Jose. Baw ega lamang kat pamalay-balay ni Potifar, in daꞌga pati duꞌut pagpasturan ya ngayti, talagang nagmagayen i muꞌsa kat ildaw it AMPUꞌANG DIYUS.

Mateo 25:40

Bawnga aaten ku yan nga Adiꞌ nira, ‘Matuud talagay iꞌaat kut imyu. Iyan binwat mi i mga itu ngaytu kat maski piyakatimawaꞌ nga bilang mga sulsug ku, simpri aku na i binwatan mi.’

Mateo 25:45

Tubagen ku yan sira, ‘Matuud talagay iꞌaat ku ngaytut imyu. Iyan ipiyagꞌimet mi i panabang mi it mga piyakatimawaꞌ nga bilang mga sulsug ku, aku yan i inimtanan mi.’

Lucas 24:27

Bawnga ipiyaꞌyag ni Jesus it kanira i muꞌsa nga inaat duꞌun it kasuratan nga ampang it Ampuꞌang Diyus, nga kanya i pagpaꞌiguꞌan, gimnaring duꞌun it mga isiyurat ni Moises seked duꞌun it isiyurat it muꞌsang mga prupitaꞌ.

Roma 4:11

Baw iyan miyabut na nga nanuriꞌ kanya, turiꞌ ya ngayti, katandaꞌ lamang it maski ega pay turiꞌ ya ipagpabetang kanya nang lagi it Ampuꞌang Diyus nga taw nga mataldeng sabap it pamayaꞌ baw pagsarig ya. Aypaꞌ, si Abraham ngaytu, subuk piyakaꞌamaꞌ it muꞌsa nga magpamayaꞌ baw magsarig it Ampuꞌang Diyus, maski ega sakep sirat urdin nga pagturiꞌ. Sira gasiꞌ, ipabetang nga mataldeng sabap it pamayaꞌ baw pagsarig nira.

1 Corinto 1:30

Maski kita, talagang garing duꞌut Ampuꞌang Diyus i magpakilagpit ta ngaytu it ki Cristo Jesus. Baw si Cristo Jesus ngaytu i binwat it Ampuꞌang Diyus nga ikakilala tami it kamatuudan nga kasepsep, nga kasepsep ngaytu nga paꞌaaten, mataldeng tami na kat panleteg it Ampuꞌang Diyus, ka ipiyagribri ta na kat panguripen it kasalaꞌan it aten, isaꞌun mangaꞌgenan tami na nga alaid kat muꞌsang kasalaꞌan.

Galacia 3:16

Ta kayti, iyan isiyanggup it Ampuꞌang Diyus it ki Abraham it tagnaꞌ, nga garing it kanya maꞌildawan i muꞌsang taw, kat sangbat lamang nga kaꞌanakan ni Abraham ngaytu i katumanan ya. Ka ega ireg sugiden matuman kat dakel nga kaꞌanak-anakan ya, in daꞌga sangbat tu i pagpaꞌulugan, si Cristo lamang.

Galacia 3:28

Aypaꞌ ega nay piyagbelagan it mga Judio baw ega Judio, uripen baw ega uripen, u lalaki baw babay. Ka basta maglalagpit nat ki Cristo Jesus, inesa-esa tami nang muꞌsa.

Galacia 3:8

Baw paribasay ipiyabetang-betang nga lagit Ampuꞌang Diyus nga sabap it pagsarig baw pamayaꞌ it mga taw nga ega Judio kilalaen ya sira nga mataldeng, ipiyaꞌrut yat ki Abraham i Magayeng Baritaꞌ nga magbebtang duꞌut kasuratan nga magꞌaat, “Garing it imu maꞌildawan i muꞌsang bangsat taw situt sinirungat langit.”

Efeso 1:3

Uꞌnang masugid ku, magayen, bantugun tami nga pirmi i Ampuꞌang Diyus, kanya nga Ampuꞌan baw Amaꞌ it Ampuꞌan tami nga si Jesu-Cristo ka, sabap it pakilagpit tami it ki Cristo, inildawan ya na kita it muꞌsa ngaytung ega basta-bastang kagayenan.

Colosas 3:11

Kat baꞌgu ngaytung pangaꞌgenan ta ega naytuy piyagbelagan, Judio u ega Judio, tiyuriꞌan u ega tiyuriꞌan, mga taga beken nga banwa nga belag i ampang baw adat, mga maꞌiꞌiseg nga mga taw nga egay maski unu nga inadalan, mga uripen baw daꞌga uripen. Ega impurtantiꞌ in unuy duguꞌ it taw u in unuy kabetangan nira. Iyan lamang i impurtantiꞌ, si Cristo, in magpamayaꞌ tami it kanya u ega. Kanya i subrat muꞌsa baw magsasarum kanya kat muꞌsa nga magsarig baw magpamayaꞌ it kanya.

Mga Ipiyalteg 7:9

Iyan natupus nay sabap it iting bagay, iyan siꞌ i naltegan ku, dakel nang dakel nga pagtaw. Daꞌna mabilang it maski siyu. Iting mga taw, nanggaring-garing kat kada ampang baw bangsa. Mamagtitindeg sira kat adapan it magꞌaꞌdung ngayti kat araꞌdungan it adiꞌ baw kat adapan it paꞌaaten ngayting Uꞌuybun It Tupa. Mamagpapakay sirang muꞌsa it maputiꞌ baw may sekel nira nga palakpak it subuk badangan.