Genesis 12:2 - Tagbanwa

² Ka ituy sanggup ku it imu. Buwaten ku ikaw nga esang dakulaꞌ nga bangsa, baw pagꞌildawan ku ikaw nga pirmi. Buwaten ku nga mabantug i imung ngaran baw buwaten ku ikaw nga panggaringan it maꞌildawan i beken.

Genesis 12:2 Iomraidhean Croise

Genesis 13:16

Talagang buwaten ku nga subuk kapu-kaput lugtaꞌ i kadakel it mga tungtung-inapuꞌ mu. In beteꞌ may magkabilang it kapu-kapu, ta mabilang nagay mga anak-inapuꞌ mu.

Genesis 15:5

Bawnga inaat it AMPUꞌANG DIYUS si Abram nga manliꞌwan duꞌut balay. Bawnga maat ya siꞌ, “Tingaraꞌen muy langit ka bilangen muy mga bituꞌun, in mabilang mu naga. Subung it kadakel it mga bituꞌun ngayan i kadakel it mga tungtung-inapuꞌ mu.”

Genesis 17:20

Baw ki Ismael, ibgay ku i pagꞌangutun mu. Ildawan ku naga kanya baw padaklen ku naga i mga tungtung-inapuꞌ ya. Manganak kanya it sang puluꞌ may duwang mataꞌas nga ginuꞌu. Limiꞌwan nga ega babasta-bastaen i tungtung-inapuꞌ ya ka dakulang bangsa.

Genesis 18:18

Sabap piniliꞌ ku kanya nga garingan it esang dakulaꞌ nga bangsa. Baw muꞌsang bangsat taw kat sinirungat langit, talagang begayan kut dakulang ildaw nga subuk manggaring situt kanya.

Genesis 18:19

Piniliꞌ ku kanya nga bilang magayeng iba-iba ku isaꞌun tulduꞌan yay kaꞌanakan ya nga sunudun nira i kaꞌirgan ku ngaytu baw mangaꞌgenan sira it mataldeng kat panleteg ku. Ka basta sunudun ga nira, tumanen kuy muꞌsang isiyanggup ku it ki Abraham ngaytu.”

Genesis 19:29

Pagpanranggaꞌ it Ampuꞌang Diyus it iting banwa, talagang ega paglilipaten ya si Abraham. Aypaꞌ ipiyagribri ya si Lot ngayting kamanaken ni Abraham nga magtataid duꞌut inatkayti ya ngayting rugar.

Genesis 24:1

Gurang nang gurang nga matuud si Abraham. Muꞌsang pangaꞌgenan ya, talagang pagꞌildawan kanya nga pirmi it AMPUꞌANG DIYUS.

Genesis 24:35

Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun.

Genesis 25:11

Pagpatay ni Abraham, duꞌun sit ki Isaac ngayting anak ni Abraham i ildaw it Ampuꞌang Diyus. Duꞌun i ki Isaac nga tiyaꞌidan it Beer-lahai-roi.

Genesis 26:3

Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 26:4

Talagang padaklen ku i mga tungtung-inapuꞌ mu nga subung it kadakel it mga bituꞌun duꞌun it langit. Baw talagang ibgay ku it mga tungtung-inapuꞌ mu i kapuꞌsaan it itung mga banwa, baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit.

Genesis 27:29

Sana iyan beken nga mga bangsa, magsirbi baw manluud sira it imu. Timindeg ka nga agalen it sulsug mu. Eeꞌ baꞌ, talagang manluud it imu i kaꞌanakan it sulsug mu. Makabetang it ega magayen i kumpur magpabetang it imu it ega magayen. Temed iyan mildaw it imu, sira gasiꞌ i ildawan.”

Genesis 28:14

Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit.

Genesis 35:11

Maat siꞌ i beken nga ipiyagꞌaat yat kanya, “Aku i Ampuꞌang Diyus nga landaw nga gunaan. Dumakel ka nga taw, anak-inapuꞌ mu, magdadaklan sira nga mga taw. Manggaring-garing kat mga tungtung-inapuꞌ mu i subuk dakel na nga bangsa, lamang esa-esay puꞌun nira. Baw limiꞌwan kat mga inapuꞌ mu i mga magꞌadiꞌ.

Genesis 46:3

“Aku i Ampuꞌang Diyus it amaꞌ mu,” maat ya. “Ayaw kat iꞌlam it paꞌaduꞌun it Egipto, ka duꞌun padaklen ku kamung padaklen seked it dakulaꞌ na nga bangsa.

Exodo 1:7

Temed kadakel it mga kaꞌanak-anakan ni Israel ngayti nga pagtaꞌwagen nga mga Israelita, talagang magsisigi nay pandakel nira. Banwa ngayti nga piyaꞌandaꞌan nira, magꞌalinaynay na nga matuud, ka magpandakel na sira nga banar seked it talagang dadaklan na.

Exodo 32:10

Aypaꞌ kayti, pataꞌnan mu aku ka magsikrab nay iseg kut kanira. Puuꞌun ku na sira bawnga buwaten ku nga ikaw mana i panggaringan it dakulaꞌ nga bangsa.”

Roma 4:11

Baw iyan miyabut na nga nanuriꞌ kanya, turiꞌ ya ngayti, katandaꞌ lamang it maski ega pay turiꞌ ya ipagpabetang kanya nang lagi it Ampuꞌang Diyus nga taw nga mataldeng sabap it pamayaꞌ baw pagsarig ya. Aypaꞌ, si Abraham ngaytu, subuk piyakaꞌamaꞌ it muꞌsa nga magpamayaꞌ baw magsarig it Ampuꞌang Diyus, maski ega sakep sirat urdin nga pagturiꞌ. Sira gasiꞌ, ipabetang nga mataldeng sabap it pamayaꞌ baw pagsarig nira.

Galacia 3:14

Ipiyasalisi ni Jesu-Cristo i sadili ya isaꞌun, iyan kagayenan nga isiyanggup it Ampuꞌang Diyus duꞌun it ki Abraham, matanggap gasiꞌ it mga taw nga ega Judio, baw isaꞌun, sabap it pamayaꞌ baw pagsarig tat kanya, pasaruman tang muꞌsa it Espiritu Santo nga isiyanggup ya.

Galacia 3:7

Ta atkayan naga, ipagpasepsep kut imyu nga in siyuy may atkaytung pagsarig baw pamayaꞌ, kabilangan ya, kaꞌanakan ni Abraham.