Genesis 12:16 - Tagbanwa

¹⁶ Piyaltegan ya si Abram ngayti it magayeng adat sabap it iti nga babay. Aypaꞌ subraꞌ nga dimnakulaꞌ i mga kusas ni Abram. Dakel i napisiꞌ yang mga tupa, kambing, bakaꞌ, baw kabayuꞌ nga asno nga inaꞌan baw tudu, mga uripen nga babay, lalaki, baw mga kamelyo.

Genesis 12:16 Iomraidhean Croise

Genesis 13:2

Talagang si Abram ngayti, kiminseg na nga taw, ka maꞌayepen na nga banar, mabulawanen na baw mapiraken na.

Genesis 13:6

Ta it nagsubung sirang maꞌayepen, daꞌsira na sumadang in sang karuga-rugaran lamang i taꞌidan nirang duwa. Ka yanayti, dakel nang banar i mga ayep nira baw dakel nang mga kaꞌuripnan, aypaꞌ ega na mapakay nga magsagpun sira it sang karuga-rugaran lamang.

Genesis 16:1

Si Sarai ngayting asawa ni Abram, talagang ega magꞌanak nga babay. May esang uripen ya nga babay nga taga Egipto, pagpangaranat ki Agar.

Genesis 20:14

Bawnga binggayan ni Abimelec si Abraham it mga tupa, mga bakaꞌ baw mga uripeng babay, lalaki, dengan it ipiyaꞌuliꞌ ya na si Sara duꞌun it asawa ya ngayti.

Genesis 24:35

Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun.

Genesis 26:14

Sabap maꞌayepen kanya nga banar baw dakulay pamalay-balay ya, aypaꞌ ininggitan na kanyat mga Filisteo.

Genesis 30:43

Aypaꞌ subraꞌ nga kiminseg na si Jacob ngayti. Dimnakel nay mga ayep ya nga tupa, kambing, kamelyo, kabayuꞌ nga asno, baw dimnakel na gasiꞌ i mga uripen ya, babay, lalaki.

Genesis 32:5

Kiminseg aku na duꞌun ka dakel nay bakaꞌ, kabayuꞌ nga asno, tupa baw kambing ku, baw dakel naga gasiꞌ i mga uripen ku, babay, lalaki. Pagbaritaꞌan ku naga ikaw ka barang may maparagan ku nga ildaw mu isaꞌun magkagayen ta nagang nagsulsug.’” Ta, yan nay itinggun ni Jacob.

Lucas 12:45

Temed in beteꞌ maraꞌe-raꞌet i adat it uripen ngayti, yay kat nakem ya, ‘Siguru maꞌlay baytuy iꞌuliꞌ it agalen ku ngaytu.’ Ta, buwaten ya, sariyan ya nat pasakit i mga ipiyagkaꞌuripen ya, babay, lalaki. Baw ega nay beken nga buwat ya, magkaꞌen na lamang baw magpalangu.