Genesis 12:11 - Tagbanwa

¹¹ Desang adeꞌdeng na kanya duꞌut Egipto, inupakat ya si Sarai ngayting asawa ya. Maat ya, “Talagang ikaw ngaytu, daraga, magayen nga pagletganan.

Genesis 12:11 Iomraidhean Croise

Genesis 12:14

Pagꞌabut nga matuud na Abram duꞌut Egipto, naltegan it mga taga Egipto i kadaraga ni Sarai ngayti.

Genesis 20:13

Iyan tagnaꞌ ngayting inaat akut Ampuꞌang Diyus nga limꞌid aku na duꞌun it pamalay-balay ni Amaꞌ, inupakat ku naytung lagi i asawa ku ngaytu, nga maat ku, ‘In mapakay it imu, ari-ari abutan ta nga banwa, panugid mu, nagsulsug ta. Magayeng pagkilala it aken i tabang mu ngaytu.’”

Genesis 20:2

Iyan duꞌun na kanyat Gerar ngayti, panugid ya it mga taga duꞌun, sulsug ya si Sara ngayti. Aypaꞌ it atkayti i panugid ya, ipiyapisiꞌ it adiꞌ ngaytit Gerar si Sara ka idungag ya it mga pagꞌasa-asawaen yang kabababayan.

Genesis 24:16

Talagang daragang babay si Rebeca ngayti, nanginubusan nay pandakulaꞌ baw ega paꞌ nakalabay it lalaki. Limnampud kanya duꞌut tumbud ngayti ka simnaꞌgeb na. Pagkapnuꞌ it sasaꞌgeban ya, naningdal na.

Genesis 26:7

Bawnga in ingkutun it mga taw duꞌun in unu ni Isaac si Rebeca ngayti, panugid ya sulsug ya, ka magꞌiꞌlam kanya. Sabap kat nake-nakem ya, “Barang in aaten ku nga asawa ku kanya, imatayen nira aku isaꞌun maꞌagaw si Rebeca ngaytu, ka daraga ngaytu nga babay.”

Genesis 29:17

Malabu-labu i pagmata ni Lea it kanya temed, si Raquel, talagang daraga kanya.

Genesis 6:2

Paribasay mga daraga i mga babay ngayti nga anak it taw, naꞌirgan it mga anak it Ampuꞌang Diyus. Egay beken, siyari nira nat asawa i kanya-kanyang naꞌigut mata.

2 Samuel 11:2

Kaꞌsang apun, minigaꞌ si David. Pagkasulag ya it apu-apun na, miyapyat duꞌut mapatag nga atep it mabakas ngayting balay ya. Ta it duꞌun na kanya magpanaw-panaw, may nalawag ya nga magpamaꞌyuꞌ nga babay nga masyadung kadaraga.