Genesis 12:1 - Tagbanwa

¹ Bawnga inaat it AMPUꞌANG DIYUS si Abram nga maat ya, “Limꞌid ka na situt pagtataꞌidan mu ngaytung banwa. Tananan mu nay mga kaduguꞌan mu, baw pamalay-balay it amaꞌ mu, ka paꞌaduꞌun kat banwa nga itulduꞌ ku it imu.

Genesis 12:1 Iomraidhean Croise

Genesis 15:7

“Magkaꞌrutan mu,” maat paꞌ it Ampuꞌang Diyus, “aku nga Ampuꞌang Diyus i miyaat ngayan it imu nga limꞌid ka duꞌut Ur, nga rugar it mga Caldeo, ka talagang ibgay kut imu i itung banwa nga subliyen it anak-inapuꞌ mu.”

Genesis 20:13

Iyan tagnaꞌ ngayting inaat akut Ampuꞌang Diyus nga limꞌid aku na duꞌun it pamalay-balay ni Amaꞌ, inupakat ku naytung lagi i asawa ku ngaytu, nga maat ku, ‘In mapakay it imu, ari-ari abutan ta nga banwa, panugid mu, nagsulsug ta. Magayeng pagkilala it aken i tabang mu ngaytu.’”

Genesis 24:38

‘In daꞌga,’ maat yat aken, ‘paꞌaduꞌun kat banwa ngaytit mga kaduguꞌan ku nga kaꞌanak-anakan naga ni Amaꞌ. Ka duꞌun nagay tulusan mut asawaen it anak ku ngaytu.’

Genesis 24:4

In daꞌga, paꞌaduꞌun ka it banwa nga siyakitan ku, duꞌut mga kaduguꞌan ku, ka duꞌun i piliꞌan mut asawaen it anak ku.”

Genesis 24:7

Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku.

Genesis 26:2

Ka nagpakikita it ki Isaac i AMPUꞌANG DIYUS baw inaat kanya, “Isaac, ayaw kat paꞌaduꞌun it Egipto. Duꞌun i aduꞌunan mu it rugar nga iꞌaat ku it imu ka duꞌun i taꞌidan mu.

2 Corinto 6:17

Maat siꞌ it Ampuꞌang Diyus, “Aypaꞌ ka paꞌalaid kamu nat karaꞌe-raꞌetan it mga taw ngayti. Pablagan mi na sira. Talagang ayaw kamut paꞌuyu-uyut it mga pagbuwaten nirang maraꞌway kat panleteg ku. Iyan, yan i ikatanggap ku it imyu.

Hebreo 11:8

Ta, sabap gasiꞌ it pamayaꞌ baw pagsarig ya it Ampuꞌang Diyus, siyunud ni Abraham i inaat it Ampuꞌang Diyus it kanya nga paꞌugad duꞌun it ipasadilit kanya nga rugar. Talagang ega diyaꞌga ya maski egay uru-urut ya pasar it rugar ngayti nga paꞌaduꞌunan ya.

Mga Ipiyalteg 18:4

Bawnga may nagnegan ku siꞌ nga miyampang nga beken nga garing duꞌun it langit nga magꞌaat, “Paꞌalaid kamu asat kanya, mga taawan ku. Ayaw kamut paꞌuyu-uyut it mga kasalaꞌan ya ngayan, isaꞌun daꞌkamu makaꞌuyut it panriga it kanya.