Genesis 11:6 - Tagbanwa

⁶ Pagkalteg ya, maat ya, “Mga taw ngaytu, magkakayaan niray itung kabubwalan nira sabap esa-esay ampang nira baw urunyun sirang muꞌsa. Ta, it atkayan, daꞌga subraꞌ na sikaytu i makayaan nira nga kabubwalan, nga ega na mapaaran sira it kumpur kubwaten nira?

Genesis 11:6 Iomraidhean Croise

Genesis 11:1

Iyan tagna-tagnaꞌ paꞌ, paribasa it esa-esay puꞌun it taw, esa-esa paꞌ gasiꞌ i ampang.

Genesis 3:22

Iyan atnakayti, maat siꞌ it AMPUꞌANG DIYUS, “Nakasubung-subung nat aten i taw ngaytu, nga magkaꞌrut nat magayen baw maraꞌe-raꞌet. Ta, it atkayan na, kaꞌilangan palꞌiden na sira isaꞌun ega na kapuꞌpuꞌ baw kumaꞌen it buwat kayu ngayang magpaꞌabwatay it kaꞌgenan, isaꞌun ega na maneꞌteꞌ nga egay kaskedan it kaꞌgenan nira.”

Genesis 6:5

Namuyaan it Ampuꞌang Diyus nga karaꞌe-raꞌetan nay nakapnuꞌ duꞌun it katataawan ngayti, ka pagsumbayaꞌen na nira nga banar i muꞌsang karaꞌe-raꞌetan kat nakem nira.

Genesis 8:21

Siyagyaan it AMPUꞌANG DIYUS nga inarek ya, bawnga maat it AMPUꞌANG DIYUS kat sadili ya, “Ega na sumpaan kut sumaꞌup i banwa sabap it kasalaꞌan it taw. Pagꞌuꞌrutan ku nga karaꞌe-raꞌetan i nakapnuꞌ it nakem it taw garing pat pagwaꞌwaꞌ ya. Temed ega na puuꞌun ku i muꞌsang maginawa nga subung it binwat ku ngaytu.

Genesis 9:19

Tulu ngaytu nga mga anak ni Noe, sira na i piyanggaring-garingan it taw nga limingkep it banwa.

1 Mga Adiꞌ 18:27

Iyan kaꞌugtu na ngayti, paglugud-lugudun na sira ni Elias. Maat ya, “Daada-dakulaꞌen mi paꞌ, tutal maat mi, diyus naga kanya. Barang-barang masasaw kanyat pagbuwaten ya u may piyanawan ya, u barang magꞌigaꞌ, aypaꞌ kaꞌilangan nga sulagen kanya.”

Lucas 1:51

Kat mga pagbuwaten ya, ipagpatantu yay ega masbungan nga guna ya. Ka tiyariwanak ya na i mga taw nga subraꞌan kat nakem nira.

Mga Binwat 17:26

Baw yay matuud, lamang esa-esay puꞌun ta nga taw, piyadakel ya nay mga bangsa, isaꞌun malkepan it taw i banwa ngaytu nga giyuna ya. Baw kanya nagay nagpabetang-betang it mga timpu baw banwa it kada bangsa ngaytu, nga in kaꞌnuy ipatindeg ya u ipuuꞌ, baw in ari mga seked it mataꞌidan nirang mga rugar.