Genesis 11:2 - Tagbanwa

² Ta it magpanlekep na ngayti sirat banwa, naꞌlay na sirat kayaꞌmat it panaw nga ayun duꞌut lebatan, nakaparag na sirat malayaw nga daranasan duꞌun it pagpangaranat Sinar. Pagkaparag nira, duꞌun nay tiyaꞌidan nira.

Genesis 11:2 Iomraidhean Croise

Genesis 11:1

Iyan tagna-tagnaꞌ paꞌ, paribasa it esa-esay puꞌun it taw, esa-esa paꞌ gasiꞌ i ampang.

Genesis 11:9

Aypaꞌ sikaytiꞌen, piyangaranan it Babel i iting rugar, nga ireg sugiden, nalibegan. Ka sikayti biyelag-belag it AMPUꞌANG DIYUS i ampang it taw, baw duꞌun kayti i giyaringan it nagbelag-belagen na gasiꞌ i taw ka ilingkep nat muꞌsang banwa.

Genesis 13:11

Aypaꞌ iti i piniliꞌ ni Lot, muꞌsa ngayting daranasan it Jordan. Nagpablag na si Lot it amayan ya ngayti ka naꞌaduꞌun nat napiliꞌ ya ngayti nga ayun kat lebatan.

Genesis 14:1

Kat iting timpu, kada rugar may adiꞌ. Adiꞌ it Sinar, si Amrafel. Si Arioc, adiꞌ it Elasar. Duꞌun it Elam, adiꞌ ya, si Kedorlaomer. Adiꞌ duꞌun it Goyim, si Tidal.

Daniel 1:2

Ta, diyaꞌeg si Joaquim ngayti, ka ipiyaꞌalima kanya it Ampuꞌang Diyus duꞌun it ki Nabucodonosor ngayti. Riyangpasan pay Templo, nga papagsambaan nirat Ampuꞌang Diyus, ka piyataꞌnan it Ampuꞌang Diyus si Nabucodonosor nga may pisiꞌen ya nga mga kagamitan duꞌun. Mga iti ngayti, tiyaban yat miyuliꞌ duꞌun it Babilonia bawnga idiyuꞌun yat pagdawaꞌan it kamanggadan nga duꞌun it balay nga papagsambaan it pagbete-beteꞌen nga diyus ya.