Genesis 1:26 - Tagbanwa

²⁶ Bawnga maat siꞌ it Ampuꞌang Diyus, “Iyan nay magayen tang buwaten, taw, baw ipasbung tat aten. Ibgay tat kanira i pudir kat muꞌsang banwa, pati betang ya nga subuk sedaꞌ, mga manu-manuk, muꞌsang ramu-ramu nga magkaꞌpet baw ega, baw kada ramu-ramu nga magkambang kat sagpaw it lugtaꞌ.”

Genesis 1:26 Iomraidhean Croise

Colosas 3:10

Baw kayti magpapakay kamu nat baꞌgu nga ireg sugiden, mga adat mi, pagbaꞌguun it Ampuꞌang Diyus ka pagpadakulaꞌen ya nga banar i kasepsep mi it adat baw kaꞌirgan ya nga iyan i ipagpaꞌadat yat imyu.

Efeso 4:24

Eeꞌ baꞌ, it limbas mi na i tagnang pangaꞌgenan nga maraꞌway, sana iyan siꞌ i pakayen mi, pangaꞌgenan nga talagang nabaꞌgu nat Ampuꞌang Diyus, pangaꞌgenan nga bilang ladawan it kamatuudang pagkamataldeng ya baw adat ya nga alaid kat muꞌsang kasalaꞌan.

Genesis 3:22

Iyan atnakayti, maat siꞌ it AMPUꞌANG DIYUS, “Nakasubung-subung nat aten i taw ngaytu, nga magkaꞌrut nat magayen baw maraꞌe-raꞌet. Ta, it atkayan na, kaꞌilangan palꞌiden na sira isaꞌun ega na kapuꞌpuꞌ baw kumaꞌen it buwat kayu ngayang magpaꞌabwatay it kaꞌgenan, isaꞌun ega na maneꞌteꞌ nga egay kaskedan it kaꞌgenan nira.”

Genesis 5:1

Itu na ngaytu i paꞌyag pasar it mga kaꞌanak-anakan ni Adan. Iyan giyuna it Ampuꞌang Diyus na Adan, pamwat ya, magꞌagen-agen it kaladawan ya.

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

Colosas 1:15

Duꞌut ki Cristo ngayti ipiyalteg nat aten in magꞌuꞌunu i Ampuꞌang Diyus nga ega magkaltegan. Baw may kataꞌasan ya nga subrat kataꞌasan it muꞌsang mga giyunang bagay nga may ginawa, subung nagat kataꞌasan it panganay nga anak kat mga ariꞌ ya.

Santiago 3:9

Sabagay, dilaꞌ ta ngaytu i ipagbantug tami it Ampuꞌang Diyus nga Amaꞌ tami. Temed iyan na gasiꞌ i ipagpanumpa tami it beken nga surubung tami nga giyuna it Ampuꞌang Diyus nga ipiyasbung ya naga it sadili ya.

2 Corinto 4:4

Itung mga taw, daꞌsira magpamayaꞌ sabap, mga pikir nira, piyadlem ni Satanas, kanya nga magpaDiyu-Diyus situt sinirungat langit ngaytu. Pagpadlemen yay pikir nira isaꞌun ega masepsepan nira i kaꞌyagan it Magayen ngaytung Baritaꞌ sabap it kabantugan ni Cristo, kanya nga ladawan it Ampuꞌang Diyus.

1 Corinto 11:7

Ka simpri ega mapakay nga may yumyum it rupa it lalaki in magtingped kamu sabap, kanya, ladawan it Ampuꞌang Diyus baw duꞌut lalaki matanyag i kabantugan it Ampuꞌang Diyus ngaytu. Temed iyan babay, dapat nga may yumyum it rupa sabap, duꞌut babay, kaꞌilangan matanyag i kabantugan it lalaki.

Genesis 9:6

Eeꞌ baꞌ, in siyu-siyuy mimatay it masigkataw ya, kaꞌilangan nga imatayen naga kanya, sabap taw ngaytu, pamwat it kanya, agen-agen it kaladawan it Ampuꞌang Diyus.

Mga Binwat 17:26

Baw yay matuud, lamang esa-esay puꞌun ta nga taw, piyadakel ya nay mga bangsa, isaꞌun malkepan it taw i banwa ngaytu nga giyuna ya. Baw kanya nagay nagpabetang-betang it mga timpu baw banwa it kada bangsa ngaytu, nga in kaꞌnuy ipatindeg ya u ipuuꞌ, baw in ari mga seked it mataꞌidan nirang mga rugar.

Juan 14:23

Katubag si Jesus, maat ya, “Iyan may pagmaꞌal it aken, simpri sunudun yay mga pagꞌaaten ku. Maꞌalen kanya it Amaꞌ ku, baw mamirmiyan kami magꞌAmaꞌ asat kanya nga kaꞌiba-iba ya nang pirmi.

1 Juan 5:7

Yay matuud, tulu talagay magpamatuud kaytu pasar it ki Jesu-Cristo, in siyu talaga kanya.

Santiago 3:7

Daꞌga baꞌ muꞌsang kalasit ramu-ramu, daꞌgay-daꞌga magkapadisiran it taw? Ka may mga manu-manuk, sedaꞌ, mga ramu-ramu nga magpanaw baw maski mga magkambang i pamanaw nga piyagnek it taw.

Isaias 6:8

Bawnga nagnegan ku i ampang it AMPUꞌANG DIYUS nga magꞌaat. “Siyuytu i taꞌgen ku? Siyuy papanawun namen?” Katubag aku, maat ku, “Wayni aku. Aku na i taꞌgen mu.”

Genesis 11:7

Magayen aduꞌunun ta na sira ka belag-belagen i ampang nira, isaꞌun daꞌsira na magsepse-sepsepen it pagꞌaaten.”

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Mga Binwat 17:20

Ka talagang kalililuꞌan kat talinga namen i ipagpaliꞌwan mu ngaytu. Aypaꞌ ireg namen nga maꞌrutan i kaꞌulugan ya.”

Genesis 2:19

Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk.