Genesis 1:21 - Tagbanwa

²¹ Bawnga giyuna siꞌ it Ampuꞌang Diyus i dadakulaꞌ nga ramu-ramu kat dagat. Baw muꞌsang beken nga maginawa nga mamanwa kat dagat, piyadakel ya sirang banar kat kanya-kanyang kalasi. Subung naga i muꞌsang magkalayug, kalasi-kalasi naga sira. Naltegan it Ampuꞌang Diyus nga magayen gasiꞌ i iting giyuna ya.

Genesis 1:21 Iomraidhean Croise

Genesis 1:18

May magꞌeyag nga magtaban it aldawun. Subung naga i delemen, nga itu nay imandaꞌan it delem na baw aldaw na, ka ipagpablag niray kaꞌyagan kat kadleman. Naltegan it Ampuꞌang Diyus nga magayen gasiꞌ i iting giyuna ya.

Genesis 1:20

maat siꞌ it Ampuꞌang Diyus, “Ireg ku dakel nga sedaꞌ sinit danum ngayni, reet-reet sira. Baw ega lamang kat danum, pati kat lawang, ireg ku may betang ya nagang mga manu-manuk nga maglayug.”

Genesis 1:22

Bawnga ega lamang desang giyuna ya i mga bagay ngayti in daꞌga piyatdekan ya gasiꞌ it ampang ya nga may guna, nga magꞌaat, “Magꞌanak-anak kamu isaꞌun dumakel kamung dumakel, magsedaꞌan i kapuꞌsaan it dagat baw danum. Subung naga i manu-manuk isaꞌun dumakel gasiꞌ sira kat kabanwaan.”

Genesis 1:25

giyuna sit Ampuꞌang Diyus i muꞌsa nga kalasi it ramu-ramu, mga magkagnek baw ega magkagnek, baw muꞌsang kalasi it ramu-ramu nga magkambang kat sagpaw it lugtaꞌ. Naltegan it Ampuꞌang Diyus, magayen nagay iting giyuna ya.

Genesis 1:31

Lintegan it Ampuꞌang Diyus i muꞌsa ngayti nga giyuna ya. Baw talagang kat panleteg ya, magayen nga banar i muꞌsa. Iti i ikaꞌnem nga aldaw. Diminlem siꞌ baw miyaldaw.

Genesis 2:19

Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk.

Genesis 6:20

Puꞌsaen mu, manu-manuk baw ramu-ramu, magpanaw baw magkambang. Duwang batu kat kada kalasi i ikargaꞌ mu, isaꞌun maꞌped gasiꞌ sirat kanira.

Genesis 7:14

Duꞌun na gasiꞌ it sakayan i kada kalasit ramu-ramu. Dedekeyeꞌ baw dadakulaꞌ, magpanaw, magkambang baw mamagkalayug, magkagnek baw ega, duꞌun nang muꞌsa.

Genesis 8:17

Ipaliꞌwan mu na gasiꞌ i muꞌsang maginawa nga kaꞌibaan mi asat siyakayan mi ngayan, manu-manuk baw ramu-ramu, pati mga magkambang i pamanaw, isaꞌun manganak-anak sirang muꞌsa, dumakel siꞌ i situt sinirungat langit.”

Genesis 8:19

Namagpanliꞌwan na gasiꞌ i muꞌsa ngayting mga ramu-ramu, pati mga magkambang i pamanaw, baw muꞌsang mga manu-manuk. Kada kalasi ngayti, nanliꞌwan na.

Genesis 9:2

Miꞌlam nat imyu i mga ramu-ramu, ganggang, baw manu-manuk, pati mga sedaꞌ, miꞌlam na gasit imyu, sabap ipagpabetang-betang ku nga muꞌsa ngaytu, kat pamegbeg mi na nga muꞌsa.

Genesis 9:7

Kamu ngaytu, subung nat inaat ku, garing kayti magꞌanak-anak kamu isaꞌun dumakel nagay taw. Talagang dumakel kamu nagang banar.”

Exodo 1:7

Temed kadakel it mga kaꞌanak-anakan ni Israel ngayti nga pagtaꞌwagen nga mga Israelita, talagang magsisigi nay pandakel nira. Banwa ngayti nga piyaꞌandaꞌan nira, magꞌalinaynay na nga matuud, ka magpandakel na sira nga banar seked it talagang dadaklan na.

Exodo 8:3

Padaklen ku sira nga banar duꞌut danum it Nilo ngayti, baw reet-reet na i maningdal. Pamanwaan nira i balay mu. Talagang ega nay radang-radangan it seled it balay, paꞌirigaꞌan, baꞌak nayang muꞌsa. Atkayan naga i muꞌsang kababalayan basta taga Egipto. Masalyaan nira i mga dapugan baw mga palangganaꞌ nga papaꞌalsaan it tinapay mi.

Mateo 12:40

Ka si Jonas ngaytu, tulung aldaw baw tulung delem duꞌun kanya it tinaꞌi it amaꞌ-amaꞌan na nga sedaꞌ bawnga egen naga kanya nga ipiyaliꞌwan. Ta atkayan naga, aku nga Taga Langit nga Ipiyanganak it Taw, katlu aku nga maglelbeng duꞌut lugtaꞌ bawnga maꞌgen siꞌ.