Genesis 1:16 - Tagbanwa

¹⁶ Giyuna it Ampuꞌang Diyus i duwa nga dakulang banar i eyag nira. Iyan piyakamaꞌyag i singkar ya, aldawun i kanyang ipagꞌeyag. Iyan sangbat, meyag ga in delemen, atnaga i mga bituꞌun.

Genesis 1:16 Iomraidhean Croise

Genesis 1:15

Ituꞌun ngaytuy mamagꞌeyag duꞌut langit isaꞌun abutun nagat eyag nira i banwa.” Ta, sakaling may mga iti na ngayting matuud.

Isaias 40:26

Timingaraꞌ kamu duꞌun it kalayawan it langit. Siyu i nagguna it kadakel it mga bituꞌun? Siyu baꞌ i tumaꞌwag it kanira nga manresa it delem-delem kat kanya-kanyang timpu? Kat keseg it guna ya pagtaꞌwagen yay kada esat kanira kat kanya-kanyang pangaran. Egay maski sangbat nga daꞌga remsa nga simingkar.

Mateo 24:29

Pagkatupus it iyan nga kakuriꞌan, demlem nay aldaw baw ega na gasiꞌ meyag i bulan. Masari nat kaꞌulug i mga bituꞌun duꞌun it langit, sabap payegyegen i muꞌsang langit it keseg it guna it Ampuꞌang Diyus.

Mateo 27:45

Desang nakasakay nat ugtuwan i aldaw, diminlem i banwa, miyabut it kabaling alaid.

1 Corinto 15:41

Baw duꞌut langit belag i kagayen it aldaw nga pagletganan, belag gasiꞌ i kat bulan baw mga bituꞌun. Baw maski mga bituꞌun, ega surubung ka may kanya-kanyang kagayen.

Mga Ipiyalteg 21:23

Talagang ega na kaꞌilangan i aldaw u bulan nga megay it eyag duꞌun it siyudad ngayti, sabap kabantugan it Ampuꞌang Diyus i magꞌeyag duꞌun, baw paꞌaaten ngaytung Uꞌuybun It Tupa, yanay piyakatidaw.