Genesis 1:14 - Tagbanwa

¹⁴ inaat siꞌ it Ampuꞌang Diyus, “Ireg ku nga resaan it magꞌeyag i langit nga imandaꞌan it delemen baw aldawun, baw itu gasiꞌ i mga tandaꞌanan it timpu nga magsugid it mga aldaw baw mga bulan baw mga taꞌun.

Genesis 1:14 Iomraidhean Croise

Genesis 1:13

Diminlem nay ikatlung aldaw. Bawnga pagꞌeyag siꞌ,

Genesis 1:15

Ituꞌun ngaytuy mamagꞌeyag duꞌut langit isaꞌun abutun nagat eyag nira i banwa.” Ta, sakaling may mga iti na ngayting matuud.

Genesis 8:22

Paꞌuꞌuma baw pakakayeg, panguran baw pangaldaw, aldawun baw delemen, mintras ega paꞌ naꞌbut i umur it banwa, sigi paꞌ i muꞌsa ngaytu.”

Genesis 9:13

“May ibtang ku na nga buluntung kat lawang. Itu nay katandaꞌ it isiyanggup ku pasar it banwa.

Isaias 40:26

Timingaraꞌ kamu duꞌun it kalayawan it langit. Siyu i nagguna it kadakel it mga bituꞌun? Siyu baꞌ i tumaꞌwag it kanira nga manresa it delem-delem kat kanya-kanyang timpu? Kat keseg it guna ya pagtaꞌwagen yay kada esat kanira kat kanya-kanyang pangaran. Egay maski sangbat nga daꞌga remsa nga simingkar.

Mateo 2:2

Pagꞌabut nira duꞌut Jerusalem ngayti, sigi nang ingkut-ingkut nira in ariyen i ipiyanganak nga magꞌadiꞌ, nga Adiꞌ it mga Judio. “Sabap naltegan namen,” maat nira, “i baꞌgung bituꞌun nga limimbat duꞌut lebatan nga ayun, nga tandaꞌanan it simnakit na kanya. Ituytu i panaw namen ngaytu, sambaen namen kanya.”

Mateo 24:29

Pagkatupus it iyan nga kakuriꞌan, demlem nay aldaw baw ega na gasiꞌ meyag i bulan. Masari nat kaꞌulug i mga bituꞌun duꞌun it langit, sabap payegyegen i muꞌsang langit it keseg it guna it Ampuꞌang Diyus.

Marcos 13:24

Pagkatupus it iyan nga kakuriꞌan, demlem nay aldaw baw ega na gasiꞌ meyag i bulan.

Lucas 23:45

Kat iting mga uras, talagang egay eyag it aldaw. Bawnga sakaliꞌ nga nagisay it karasik i maꞌpal nga kurtinaꞌ duꞌun it Templo nga maglingeb it Subraꞌ Na nga Ega Na Babasta-bastaeng Seled it Templo ngayti.

Mga Ipiyalteg 6:12

Bawnga naltegan ku, iniriꞌ siꞌ it paꞌaaten ngayting Uꞌuybun It Tupa i ikaꞌnem nga papaꞌnget. Unupat yimnegyeg i banwa it daꞌnay pasubrang keseg. Bawnga nagpintut nay aldaw. Ta, yan bulan, atnat duguꞌ it pandara-darag.

Mga Ipiyalteg 8:12

Pagꞌeyep siꞌ it ikaꞌpat ngayting anghil it kanya gasiꞌ ngayti nga taburi, naꞌiguꞌ i ikatlung bagiꞌ it aldaw, bulan baw mga bituꞌun. Aypaꞌ ka nagsipat i ikatlung bagiꞌ it mga eyag nira. Diminlem i ikatlung bagiꞌ it aldawun baw ega gasiꞌ i minyag kat ikatlung bagiꞌ it delemen.

Mga Ipiyalteg 9:2

Bawnga inabriyan it paꞌaaten ngayting bituꞌun i siwang ngayti. Timnindeg i tabuk nga subuk epal it tabuk nga maggaring duꞌun it pira-pirang kaꞌumaan i siyuriban. Aypaꞌ ka diminlem i aldaw baw lawang sabap it tabuk ngayti.