Genesis 1:12 - Tagbanwa

¹² Tiyubuꞌan i lugtaꞌ it kalasi-kalasing luwak nga daꞌgay-daꞌga magkabiꞌniyan baw muꞌsang mga kayu nga mamagbuwaꞌ it kanya-kanyang buwaꞌ nga alitan. Naltegan it Ampuꞌang Diyus nga magayen gasiꞌ i iting giyuna ya.

Genesis 1:12 Iomraidhean Croise

Genesis 1:11

Iyan naguna nat Ampuꞌang Diyus i lugtaꞌ, maat ya, “Ireg ku, tubuꞌan na i lugtaꞌ ngayni it kalasi-kalasing luwak nga magkabiꞌniyan baw muꞌsang kayu nga mamagbuwaꞌ it kanya-kanyang buwaꞌ nga alitan.” Ta, timnubuꞌ nga matuud i muꞌsa ngayting inaat ya nga tumubuꞌ.

Genesis 1:13

Diminlem nay ikatlung aldaw. Bawnga pagꞌeyag siꞌ,

Marcos 4:28

Ka lugtaꞌ, iyan i magpatubuꞌ baw magpabwaꞌ it in unu-unu nga luwak. Simpri mangseg bawnga muwaꞌ it makukway baw mabuburun paꞌ.

Lucas 6:44

Simpri, magkakilalaan i kada kayu duꞌun it buwaꞌ ya. Ka ega muwaꞌ it igos i sapinit, u muwaꞌ it ubas i dikut nga madugiyen.

2 Corinto 9:10

Ka in magꞌuꞌunu magbegay i Ampuꞌang Diyus it biꞌni nga ipagluwak, baw pagpaksegen ya isaꞌun magbaraꞌ nga magkakaꞌen, atkayan naga pabastantiyan ya kita it ipagkabgay ta duꞌut beken nga may kaꞌilangan. Baw subung it paksegen it Ampuꞌang Diyus i subuk ipagluwak ta ngaytu nga ipagtabang it beken, isaꞌun dakulay paglapusan it kaꞌildaw ta ngaytu it masigkataw ta.

Galacia 6:7

Ega ambutan mi i sadili mi, ka ega pataꞌnan it Ampuꞌang Diyus nga tibabaꞌen kanya it maski siyu. Ka in unu i ilinwak it taw, iyan naga i kaygen ya.

Hebreo 6:7

Kaꞌalimbawaan ya kaytu, lugtaꞌ. In pirmi nga pagtedagen it uran baw magpanggayen i muꞌsang ipagluwak, sagyaan it tagpuꞌun ka dakulay pakinabang. Ta siyu-siyu i subuk lugtaꞌ ngaytu, sagyaan baw ildawan it Ampuꞌang Diyus.