Filemon 1:7 - Tagbanwa

⁷ Pagmaꞌaleng sulsug kat pamayaꞌ, talagang kiminseg i nakem namen baw simnagya kami nga banar pagkabaritaꞌ namen it raras mu it mga maꞌiba mu, ka dakel kunuꞌ i mga taawan it Ampuꞌang Diyus nga napasagya muy nakem nira.

Filemon 1:7 Iomraidhean Croise

1 Corinto 16:18

Ka piyasagya nira i nakem ku, atkayan naga i imyu. Istimaren mit magayen i atkaytu nga mga taw.

2 Corinto 7:13

Aypaꞌ ka ituy minggay it amen it dakulaꞌ nga kasagyaan. Baw subraꞌ nga dimnakulaꞌ i kasagyaan namen sabap it kasagyaan ni Tito, ka iyan asan kanyat imyu, talagang piyasagya mi i nakem ya.

2 Corinto 7:4

Talagang pagsisiguruun ku nay kagayen it pamayaꞌ mi. Pagdaya-dayawun ku duꞌut beken, baw yay ikinseg it nakem ku. Yay matuud, maski dakulay magkalabayan kung kakuriꞌan, talagang subrang-subraꞌ i kasagyaan kat nakem ku.

1 Tesalonica 1:3

Sabap pagdedemdemen namen nga pirmi i buwat mi nga buwaꞌ it pamayaꞌ mi, mga paꞌres mi nga magbayaꞌ it raras mit esa may esa, baw pagsagkaꞌ mit kakuriꞌan it magayen i nakem. Pagsagkaꞌ mi ngaytu, tanaꞌan ya, mapaꞌgen nga paniguru mi. Ka pagsisiguruun mi nga, sabap it pagsarig baw pamayaꞌ mi it Ampuꞌan tami nga si Jesu-Cristo, maribri kamu asan it umur nat banwa, nga duꞌun kamu na it adapan it Ampuꞌang Diyus nga Amaꞌ tami.

1 Tesalonica 2:13

Itu paꞌ gasiꞌ i pirmi namen nga pagpasalamatan duꞌun it Ampuꞌang Diyus. Iyan ipiyangadal namen ngayan asan it imyu i ampang ya ngaytu, talagang tiyanggap mi baw piyakimatuud mi nga ampang talaga it Ampuꞌang Diyus, ega kat taw lamang. Ka ampang yaytu nga matuud, aypaꞌ ka dakulay paglapusan it ampang ya ngaytu kat pangaꞌgenan mi nga namayaꞌ nat kanya.

1 Tesalonica 2:19

Simpri, kupakikita kami sit imyu, ka sabap it imyu, dakulaꞌ nga banar nga kasagyaan namen. Baw talagang pagꞌiꞌinawaren namen nga maneꞌteꞌ i pamayaꞌ mi, nga yay kat ikasagya baw ikabantug namen in madap tami na duꞌun it Ampuꞌan tami nga si Jesu-Cristo, kat pamaꞌuliꞌ ya situ.

1 Tesalonica 3:9

Taꞌway in magꞌuꞌunu namen na mapasalamatan i Ampuꞌang Diyus tami kat kasagyaan ngaytu nga subray basta nga ipiyagbegay yat amen sabap it imyu.

2 Timoteo 1:16

Takaꞌ si Onesiforo, pirmi ya nga pagpaksegen i nakem ku iyan sini paꞌ kanya, aypaꞌ ipagpanalangin ku nga sana ildawan nga pirmi it Ampuꞌan i pamalay-balay ya. Ka talagang ega maat ipagꞌeyaꞌ aku ni Onesiforo ngayti, maski pirisu aku.

Filemon 1:20

Aypaꞌ, pagmaꞌalen kung sulsug kat pamayaꞌ, asi-asi pat imu, buwaten mu nagay pagꞌangutun ku ngaytu. Kat keseg it pagꞌurunyun ta nga namayaꞌ it ki Cristo pasagyaen mu i nakem ku.

2 Juan 1:4

Talagang masagyang-masagya aku, ka namuyaan ku nga iyan beken nga mga anak mu, magpangaꞌgenan sira uyun kat kamatuudan, subung it ipiyagꞌurdin it aten it Diyus Amaꞌ.