Filemon 1:6 - Tagbanwa

⁶ Ipagpanalangin ku nga, liꞌwan it pamayaꞌ mu ngaytut ki Cristo, magsisigi kang numakman kat maꞌiba mu, isaꞌun subraꞌ nga makilala mu i muꞌsang kagayenan nga maꞌaten kat pakilagpit tami it ki Cristo ngaytu.

Filemon 1:6 Iomraidhean Croise

Mateo 25:16

Napanaw nga lagi i tiyuduꞌan ngaytit limang ribu ka ipiyagꞌangkat ya nat dagangan. Nakatubuꞌ kanya it limang ribu naga.

Mateo 5:16

Aypaꞌ ega itaguꞌ mi i pamayaꞌ mi. Sana masgu nga pirmi i imyu nga tidaw kat panleteg it kadakel, isaꞌun maꞌyag it kanira i magagayen nga buwat mi, baw bantugun nira i Amaꞌ mi nga duꞌun it langit.”

1 Corinto 14:25

Ta daꞌga kat pagneg nira makalbaw na i mga tagu-taguꞌ nga kasalaꞌan kat nakem nira? Bawnga limingkuꞌud na sira ka bantugun nay Ampuꞌang Diyus, langkuy aaten nira nga talagang situ nang matuud it imyu i Ampuꞌang Diyus ngaytu.

1 Corinto 16:9

Ka dakel i kupagneg it panulduꞌ ku sini, baw talagang dakulay paglapusan ya. Temed dakel gasiꞌ i kalaban.

Filipos 4:8

Mga sulsug ku kat pamayaꞌ, pangiyaꞌpusan nga ipagbenge-bengel kut imyu, sana iyan i pirmi nga kat nakem mi, iyan mga bagay nga matuud baw paggalangen, mga mataldeng baw mga egay magkaꞌiway, mga bagay nga magayen baw pagdayawun it katataawan. Eeꞌ baꞌ, in unu nga mga bagay nga talagang magayen baw mabantug, iyan sana i pagpanawun nga pirmi it pikiran mi.

Colosas 1:9

Aypaꞌ garing it pagkabaritaꞌ namen kaytu, sigi nay panalangin namen pasar it imyu duꞌut Ampuꞌang Diyus nga sana panakman kamung banar it Espiritu Santo nga masepsepan mi talaga in unu may unu i uyun kat kaꞌirgan ya.

Colosas 3:10

Baw kayti magpapakay kamu nat baꞌgu nga ireg sugiden, mga adat mi, pagbaꞌguun it Ampuꞌang Diyus ka pagpadakulaꞌen ya nga banar i kasepsep mi it adat baw kaꞌirgan ya nga iyan i ipagpaꞌadat yat imyu.

Tito 3:14

Baw tulduꞌan mu i mga pagpamaalaꞌan mu ngayan nga kaꞌibaan ta kat pamayaꞌ nga kaꞌilangan magpaꞌres it magagayeng panulus, isaꞌun ega desang kaya niray mga pagkaꞌilanganen nira, in daꞌga may areg paꞌ nga itabang it mga beken nga may kaꞌilangan. Basta atkayan i buwat nira, daꞌsira mga taw nga egay kapulusan.

Hebreo 6:10

Ka talagang mataldeng i Ampuꞌang Diyus. Ega lipaten ya i mga binwatan mi baw pagmaꞌal mit kanya nga ipiyalteg mi, baw seked kayti ipagpalteg mi paꞌ, kat pagsirbi mit mga kasubung mi nga magpamayaꞌ it ki Jesus.

Santiago 2:14

Mga sulsug ku kat pamayaꞌ, talagang egay mapulus it esang taw, maski maat ya, “Aken, may pamayaꞌ ku na,” temed ega nagay pagbuwaten ya nga magpamatuud it kat Ampuꞌan na kanya. Yay matuud, atkayang kalasit pamayaꞌ, ega siguruun ya nga maribri kanya.

Santiago 2:17

Ta atkayan naga yan, pamayaꞌ nga desang pakimatuud, nga egay uyut nga pagbuwaten nga ipagpamatuud, yay paꞌaaten nga patay nga pamayaꞌ.

1 Pedro 2:12

Dapat mi nga inturun i adat mi, ka magkaꞌrutan mi nga maglulubuk-lubuk kamu paꞌ it mga kabanwa mi nga egay pagkilala nira it Ampuꞌang Diyus. Ka maski pagꞌaaten nira nga magbuwat kamu it maraꞌe-raꞌet, matantuwan nira nga magayen palan i adat mi. Aypaꞌ, liꞌwan ya, bantugun niray Ampuꞌang Diyus kat aldaw nga ildawan ya sira it mabaꞌgu i nakem baw pikir nira.

1 Pedro 3:1

Kayti, kamu nga mga babay, kaꞌilangan nga pasakep kamut magayen it padisir it asawa mi, ka in atkayan, maski ega magpakimatuud it ampang it Ampuꞌang Diyus i asawa mi, in mamuyaan niray adat mi ngaytu nga magayen, barang yay tumaban it kanira it mamayaꞌ nat Ampuꞌan, maski egay tumuturan it kanira.

1 Pedro 3:16

Baw yanayan, siguruun mi nga yay pagbuwaten mi nga pirmi, iyan lamang nga magkaꞌrutan mi nga mataldeng, isaꞌun mga mamagsaway it pagsirbi mit ki Cristo, magꞌeyaꞌ-eyaꞌ sira it libak nira ngayat imyu.

2 Pedro 1:8

Ka basta magdudungag-dudungag i atkaytung mga adat mi, makasiguru yan nga daꞌkamu mga taw nga egay kakapulusan. In daꞌga limiꞌwan nga dakulay buwaꞌ it pamayaꞌ kat pangaꞌgenan mi, nga mga taw kamu nga may kamatuudang pagkilala it Ampuꞌan tami nga si Jesu-Cristo.