Filemon 1:22 - Tagbanwa

²² Paꞌugdun ku paꞌ, in mapakay gasit imu argan mu aku it mapaꞌabutan ku asan it balay mu. Ka pagꞌiꞌinawaren ku nga, kat keseg it mga panalangin mi, makaliꞌwan aku kat pirisuwan ngaytu nga makapaꞌuliꞌ aku naga asan it imyu.

Filemon 1:22 Iomraidhean Croise

Mga Binwat 27:24

Maat i inaat it anghil ngayti, ‘Ayaw kat iꞌlam, Pablo, ka kaꞌilangan nga makaꞌadap ka nagat Impiradur duꞌun it Roma, aypaꞌ daꞌka maꞌilang. Baw tiyubag gasiꞌ i panalangin mu nga, mga kaꞌibaan mut magsasakay, egay maꞌilang nga maski siyut kanira.’

Mga Binwat 28:23

Aypaꞌ piyagꞌupakatan niray aldaw nga ipagtingped nira siꞌ duꞌun. Pagkaꞌbut it iting aldaw, dakel sira nga miyabut duꞌut balay ngayting pagꞌiꞌistaran ya. Nagꞌapun egay beken nga buwat ni Pablo, magpaꞌyag baw magpamatuud duꞌun it kadakel ngayti pasar it kaꞌadiꞌan it Ampuꞌang Diyus. Paggaringen ya, duꞌun it mga isiyurat ni Moises baw mga prupitaꞌ. Pagpaꞌresan ya sirat papamayaꞌnen it si Jesus i pagpaꞌiguꞌan, nga kanya i Cristo ngayting Manriribring Adiꞌ nga isiyanggup nga pagpapaꞌbutun nira.

Roma 15:24

sana yay pagꞌiꞌinawaren ku, makapatuluy aku asat imyu in paꞌEspaa aku na, ka ireg ku kapakiꞌiba-iba aku it imyu parabir aku lumangbus. Baw in nakapagꞌiba-iba tami nat magayen barang katabang kamu nagat aken kat panaw ku ngayan.

2 Corinto 1:11

Temed pagꞌangutun namen nga ipasigi mi gasiꞌ i tabang mit amen kat panalangin. Ka in dakel i magpanalangin, pagtubag, simpri dakel na i magbantug baw magpasalamat duꞌun it Ampuꞌang Diyus sabap it tabang yat amen.

Filipos 1:19

sabap pagsisiguruun ku nga, kat mga panalangin mi baw kat tabang it Espiritu Santo nga piyapasubli ni Jesu-Cristo situt aten, kat ikagayen ku lamang i nabetangan ku ngayni.

Filipos 2:24

Takaꞌ pagsisiguruun ku naga nga, ega maꞌlay, kapaꞌasan aku nagat imyu kat tabang it Ampuꞌan.

Hebreo 13:19

Subrat muꞌsa pagꞌangutun ku nga pirmi mi aku nga ipagpanalangin nga sana makapaꞌuliꞌ aku naga asat imyu it madaliꞌ.

Hebreo 13:23

Ireg ku gasing maꞌrutan mi nga nakaliꞌwan na kat pirisuwan i sulsug tami nga si Timoteo. Ta in beteꞌ mabut kanyat semkad pabayaꞌen ku kanya pagpaꞌasan ku it imyu.

Santiago 5:16

Aypaꞌ in may nabwat mi nga kasalaꞌan duꞌun it masigkataw mi, kaꞌilangan aminen mi duꞌun it kanya nga magꞌangut it pasinsiyaen. Bawnga magsigpanalangin kamu isaꞌun pagayenen kamu it Ampuꞌan. Ka talagang may paglapusan it panalangin it taw nga mataldeng kat panleteg it Ampuꞌang Diyus, nga dakulaꞌ nga banar i magkabwat it panalangin ngaytu.

2 Juan 1:12

Sana dakulaꞌ pang kusugiden ku, temed ega na isurat ku. Ka ireg ku baꞌ sana, kapaꞌasan akut imyu. Masugi-sugid ku kamu it nagꞌada-adapen tami isaꞌun makasagya tami it kasagyaan nga egay kakurangan.

3 Juan 1:14

Pagꞌiꞌinawaren ku sana nga kapaꞌasan aku it imyu it madaliꞌ, isaꞌun kapagsugi-sugid tat nagꞌadap.