Filemon 1:21 - Tagbanwa

²¹ Pagsuratan ta ikaw sabap talagang pagsisiguruun ku nga ega daꞌgaen mu i ipagpakiꞌupakat ku ngaytut imu. Inawar ku nga subraꞌ paꞌ sikaytu i buwaten mu.

Filemon 1:21 Iomraidhean Croise

Roma 2:19

Ipagpatuꞌgud mu nga magkapangadal mu nay kamatuudan pasar it Ampuꞌang Diyus kat mga taw nga subuk beleg. Ipagpabetang mu nay sadili mu nga magkabgay ka nat kaꞌyagan kat mga taw nga elam paꞌ kaytu.

2 Corinto 2:3

Aypaꞌ ka siyuratan ku na lamang daꞌan kamu isaꞌun, pagpaꞌasan ku, ega na kasmek i makabgay mi it aken in daꞌga kasagyaan, ka sana magpasagya kamu nat aken. Sabap pagsisiguruun ku nga kasagyaan ku, kasagyaan mi naga gasiꞌ it imyu.

2 Corinto 7:16

Aypaꞌ masagyang-masagya aku na ka nasiguru ku na nga iyan nay magdadaꞌeg kat nakem mi, kubwat it tamaꞌ nga pagbuwaten.

2 Corinto 8:22

May ipiyabayaꞌ namen gasiꞌ nga esa pang sulsug kat pamayaꞌ. Namuyaan namen nga, kanya ngaytu, mapaꞌres kat buwaten it Ampuꞌan. Ta kayti, subraꞌ kanya nga magꞌireg paꞌasan it imyu it nasiguru ya nang banar nga kutabang kamu.

Galacia 5:10

Takaꞌ kat keseg it pakilagpit tami it Ampuꞌan, dakulang paniguru ku nga paꞌuyunan mi i pagꞌaaten ku ngaytut imyu. Baw iyan mga magpanlibeg it pikiran mi, maski siyu sira, pagsisiguruun ku nga rigaen talaga it Ampuꞌang Diyus.

2 Tesalonica 3:4

Baw kat keseg it pakilagpit tami it Ampuꞌan, pagsisiguruun namen nga pagbuwaten mi na baw ipasigi mi paꞌ nga buwaten i kumpur mga ipiyagꞌaat namen ngayan it imyu.