Filemon 1:2 - Tagbanwa

² Pagsuratan namen gasiꞌ i sulsug tami kat pamayaꞌ nga si Apia, baw si Arquipo nga magayeng iba-iba ku kat panindeg it Magayeng Baritaꞌ maski dakel i magpakikuntraꞌ. Baw kadakel it mga magpamayaꞌ nga mamagtingped asat balay mu, pagkumustaen namen naga.

Filemon 1:2 Iomraidhean Croise

Roma 16:1

Itu pay beken nga ipagkuꞌaat kut imyu, sabap it sulsug tami ngaytu kat pamayaꞌ nga si Febe, nga esang taga Cencrea nga may katengdanan nga manigtabang it mga magpamayaꞌ duꞌun.

Roma 16:5

Pagkumustaen ku gasiꞌ i mga magpamayaꞌ nga magtingped duꞌut balay it duwa ngaytu magꞌasawa. Isugid mi gasiꞌ asat maꞌal ku nga iba-iba nga si Epeneto nga pagkumustaen ku gasiꞌ kanya. Kanya ngaytuy uꞌnang taga Asia nga nagpasakep it ki Cristo.

1 Corinto 16:19

Pagkumustaen kamu it mga magpamayaꞌ kat muꞌsang rugar sinit prubinsiya it Asia. Si Aquila baw si Priscila, pagkumustaen nira gasiꞌ kamu nga banar it pangumusta it mga sulsug kat pamayaꞌ it Ampuꞌan. Atkayan naga i mga magpamayaꞌ nga magpakitingped kat balay nira.

Filipos 2:25

Ta, si Epafrodito, nga sulsug tami kat pamayaꞌ nga piyapaꞌasini mi ngayan nga timnaban it tabang mit aken baw tumabyang it aken kat buwaten ku sini, talagang dakulaꞌ nga banar i tabang yat aken. Baw matuud nga, maski dakel i magpakikuntraꞌ, magayen kanyang iba-iba ku kat panindeg it Magayeng Baritaꞌ. Temed pagpikiren ku nga kaꞌilangan paꞌuliꞌen ku na asan.

Colosas 4:15

Iꞌaat mit mga sulsug ta kat pamayaꞌ nga asat Laodicea nga pagkumustaen ku sira, subung naga si Nimfa baw kadakel it namayaꞌ nga asat balay yay pagtingpedan.

Colosas 4:17

Baw tugun ku nga iꞌaat mi it ki Arquipo, sarungaen yat magayen i buwaten nga ipiyakarguꞌ it Ampuꞌan it kanya isaꞌun maꞌayaw yay muꞌsa.