Filemon 1:19 - Tagbanwa

¹⁹ Kamatuudan, isurat ku naytu kat sadili kung alima, Aku nga si Pablo i baalaꞌ mayad asan it imu. Temed magayen demdemen mu gasiꞌ nga utang mu nga nakem sinit aken i pagkakilala mu it ki Cristo, nga yay ikaribri mu.

Filemon 1:19 Iomraidhean Croise

Genesis 43:9

Talagang ipirinda kuy ginawa ku isaꞌun lamang ega maꞌunu kanya. Akuy baalaꞌ it kanya. Amaꞌ, talagang ipagsanggup kuy bilug ku nga in ega na magbabayaꞌ it aken it muliꞌ situ, aku i pabekbekan mut masul seked it kaꞌnu-kaꞌnu.

Roma 16:22

Pati aku nga si Tercio nga piyasurat ni Pablo it surat ngaytu, magkumusta it imyu nga muꞌsa kat ngaran it Ampuꞌan.

1 Corinto 4:15

Sabap maski sang puluꞌ pang ribu i mga magpadisir it imyu in magꞌuꞌunuy magayeng pagsunud it ki Cristo, temed esa-esa lamang i bilang amaꞌ mi kat pamayaꞌ. Ka subuk ipiyanganak ku kamu kat pakilagpit mi it ki Cristo Jesus, sabap piyamayaꞌ mi i Magayeng Baritaꞌ pasar it kanya nga ipiyangadal kut imyu.

2 Corinto 10:1

Ta kayti, may ipagpakiꞌupakat kut imyu, aku nga si Pablo nga pagꞌaaten it beken nga in duꞌun gat alaid maꞌiseg i nakem ya mampang it mga mabeꞌgat nga sugi-sugid, temed in nagꞌada-adapen, ega na magkaꞌurum mampang it atkayan. Sana magpatibayaꞌ tami nga pirmi it ki Cristo, nga mapiyalulus baw nakman.

2 Corinto 3:2

Temed kami ngaytu, ega kaꞌilangan namen i atkayan, ka kamu na i piyakasurat nga pamatuud it amen. Talagang magkatantuwan namen i pagbaꞌgu it pangaꞌgenan mi baw itu gasiꞌ i magpamatuud kat muꞌsang taw it kagayen it buwat namen asat imyu.

2 Corinto 9:4

Ka barang desa aku nga maꞌeyaꞌan, ega na aaten ku nga pati kamu, in beteꞌ may mga taga Macedonia ngayni nga mayaꞌ it aken baw mamuyaan nira nga ega paꞌ itsu kamu.

Galacia 5:2

Pagnegan mi tut magayen, aku nga si Pablo i magꞌaat it imyu, basta pasakep kamu it panulduꞌ ngayting paturiꞌ isaꞌun tumaldeng kat panleteg it Ampuꞌang Diyus, egay mapulus mi it kamataynen ni Cristo.

Galacia 6:11

Ta, kat pangiyaꞌpusan ngaytu, aku na mismu i magsurat. Kamatuudan, dadakulaꞌ nay ipagsurat ku nga ritraꞌ.

1 Timoteo 1:2

Talagang pabetang kut imu, Timoteo, subung nat ipiyagrasyaꞌ ku, ega maat kat pagduguꞌ temed kat pamayaꞌ. Ipagpanalangin ku nga sana asat imu nga pirmi i ildaw, sanguꞌ nga tabang, baw kaꞌimbengan it nakem nga ipagbegay it Diyus Amaꞌ baw Ampuꞌan ta nga si Cristo Jesus.

Tito 1:4

Dunguꞌ Tito, ituy surat ku nga pataban ku asat imu. Talagang pabetang kut imu, subung nat ipiyagrasyaꞌ ku ikaw, ega maat kat pagduguꞌ temed kat pamayaꞌ tami. Ipagpanalangin ku nga sana asat imu nga pirmi i ildaw baw kaꞌimbengan it nakem nga ipagbegay it Diyus Amaꞌ baw si Cristo Jesus nga Manriribri tami.

Filemon 1:18

In may kamaliꞌ nga binwat ya kuntrat imu u in may utang ya asat imu, abunuwan ku na lamang kanya.