Filemon 1:10 - Tagbanwa

¹⁰ Kayti pagꞌupakaten ta ikaw pasar it anak ku ngaytu kat pamayaꞌ nga si Onesimo. Subuk anak ku kanya ka lamang pagpipirisuun aku, piyamayaꞌ yay pangadal kut kanya pasar it ki Cristo.

Filemon 1:10 Iomraidhean Croise

Marcos 9:17

Katubag i sang kataawan nga duꞌun it kadadaklan ngayti. Maat ya, “Manigtulduꞌ, pagtabanen ku baꞌ situt imu i anak ku nga lalaki ka magpulpug kanya. Talagang ega na magbunawar i ampang ya.

Roma 12:1

Aypaꞌ kayti, mga kasulsugan ku, sabap it ega basta-basta ngaytung kaꞌildaw it Ampuꞌang Diyus it aten, may isasar kut kadakel mi. Buwaten mi na i sadili mi nga subuk salisi nga ipagsamba duꞌun it Ampuꞌang Diyus. Ega maat paꞌimatay in daꞌga iꞌintergaꞌ mi na duꞌut kanya i muꞌsang pangaꞌgenan mi nga magsugid nga mga taawan ya na kamu, mga taw nga pagsagyaan ya nga pirmi ka magpangaꞌgenan na nga alaid kat muꞌsang kasalaꞌan. Atkaytuytu i matuud nga pagsamba it kanya nga bagay it dakulang kaꞌildaw ya ngaytut aten.

1 Corinto 4:14

Egaytu maat ipagsurat kuy itung mga sugi-sugid nga pagpaꞌeyaꞌan ku kamu. Eget naytut panaldeng kut imyu, kamu nga subung nat ipiyagrasyaꞌ ku nga pagmaꞌalen ku nga banar.

1 Corinto 4:15

Sabap maski sang puluꞌ pang ribu i mga magpadisir it imyu in magꞌuꞌunuy magayeng pagsunud it ki Cristo, temed esa-esa lamang i bilang amaꞌ mi kat pamayaꞌ. Ka subuk ipiyanganak ku kamu kat pakilagpit mi it ki Cristo Jesus, sabap piyamayaꞌ mi i Magayeng Baritaꞌ pasar it kanya nga ipiyangadal kut imyu.

Galacia 4:19

Kamuy subuk mga anak ku. Dakulay nalabayan ku nga kakuriꞌan katꞌesa, nga kaꞌaat ka subuk siyaꞌgidan aku, isaꞌun kasakit na i pamayaꞌ mit ki Cristo. Kayti atkayan naga, subuk daꞌku talaga magkabara-baraꞌ mintras ega paꞌ magꞌuꞌunay i pagsarig mit ki Cristo baw magpasbung kamu nang banar it adat ya.

Colosas 4:9

Iba ya ngaytung si Onesimo, esa gasing pagmaꞌalen tang sulsug kat pamayaꞌ nga magkasarigan, baw taga asan nagat imyu. Sira na ngaytung duwa i tumuturan asat imyu it muꞌsang bagay-bagay sinit amen.

1 Timoteo 1:2

Talagang pabetang kut imu, Timoteo, subung nat ipiyagrasyaꞌ ku, ega maat kat pagduguꞌ temed kat pamayaꞌ. Ipagpanalangin ku nga sana asat imu nga pirmi i ildaw, sanguꞌ nga tabang, baw kaꞌimbengan it nakem nga ipagbegay it Diyus Amaꞌ baw Ampuꞌan ta nga si Cristo Jesus.

Tito 1:4

Dunguꞌ Tito, ituy surat ku nga pataban ku asat imu. Talagang pabetang kut imu, subung nat ipiyagrasyaꞌ ku ikaw, ega maat kat pagduguꞌ temed kat pamayaꞌ tami. Ipagpanalangin ku nga sana asat imu nga pirmi i ildaw baw kaꞌimbengan it nakem nga ipagbegay it Diyus Amaꞌ baw si Cristo Jesus nga Manriribri tami.

Filemon 1:11

Matuud, tagnaꞌ ngayti, si Onesimo ngaytu, egay pakinabang mu temed kayti, talagang may pakinabang ta na nga duwa.

Filemon 1:13

Sana pakaꞌlayen ku kanya sinit aken isaꞌun, mintras pirisu aku paꞌ sabap it pangadal ku it Magayeng Baritaꞌ, kanyay bilang begay mut aken nga manigtabang ku sinit pirisuwan.

3 Juan 1:4

Ega nay pasubraꞌ it kasagyaan ku basta nabaritaꞌan ku nga uyun kat kamatuudan i pangaꞌgenan it mga bilang anak ku.