Filemon 1:1 - Tagbanwa

¹ Pagmaꞌalen nameng iba-iba nga si Filemon, nga kasubung namen nga manigbuwat it buwaten it Ampuꞌan, wayan i surat namen, aku nga si Pablo, nga pagpipirisuun sabap it pagsirbi kut ki Cristo Jesus, baw sulsug ta kat pamayaꞌ nga si Timoteo.

Filemon 1:1 Iomraidhean Croise

Mga Binwat 16:1

Garing duꞌut Cilicia sigi pang panaw na Pablo, duwa ni Silas, seked nakaꞌbut siꞌ duꞌun it Derbe bawnga duꞌun it Listra. Duꞌut Listra ngayti may nakitaan nirang esang magpamayaꞌ nga pagpangaranat ki Timoteo. Inaꞌ ya, Judio nga namayaꞌ gasiꞌ it Ampuꞌan. Takaꞌ amaꞌ ya, Griego.

1 Corinto 3:9

Kami ngaytung manigpangadal, nagsubung nga mga manigbuwat lamang it Ampuꞌang Diyus. Kamu nga pagtulduꞌan namen, kamu i subuk parangumaen ya. Esa gasing alimbawa, kamu i subuk balay ya nga ipagpabwat yat amen. Talagang kat Ampuꞌang Diyus tami nga muꞌsa.

2 Corinto 1:1

Mga taga Corinto nga magsarig baw magpamayaꞌ it Ampuꞌang Diyus, baw beken nga ipiyapinpin it Ampuꞌang Diyus nga mga taawan ya na asan it muꞌsang prubinsiya it Acaya, wayan i surat namen, aku nga si Pablo nga esang apustul ni Cristo Jesus kat pabetang-betang it Ampuꞌang Diyus, baw si Timoteo nga sulsug tami kat pamayaꞌ.

Galacia 3:26

Pati kamu nga ega Judio, mga anak na gasiꞌ it Ampuꞌang Diyus, nga maglalagpit nat ki Cristo Jesus sabap it pagsarig baw pamayaꞌ mi it kanya.

Efeso 3:1

Aypaꞌ sabap it muꞌsa ngaytung ituꞌun, sigi talagang panalangin ku pasar it imyu, aku nga si Pablo nga pagpipirisuun sabap it pagsirbi ku it ki Cristo Jesus kat ikagayen mi nga taw nga ega Judio.

Efeso 4:1

Aypaꞌ, kayti, aku nga pagpipirisuun na sabap it panindeg baw pagsirbi ku it Ampuꞌan, ipagbenge-bengel ku nga banar nga mangaꞌgenan kamu nga uyun duꞌun it ipiyabetang-betang it Ampuꞌang Diyus nga pangaꞌgenan it mga taawan ya.

Efeso 6:20

Sabap kat pangadal it Magayen ngaytung Baritaꞌ, piyakarguꞌan akut Ampuꞌang Diyus it katengdanan ku, baw yay ipiyagkakadina ngaytut aken sinit pirisuwan. Aypaꞌ, kaꞌilangan, ipagpanalangin mi nga makapangadal ku naga it may pagmaꞌiseg it nakem, uyun kat dapat ku nga buwaten.

Filipos 1:1

Mga pagmaꞌalen nameng mga sulsug kat pamayaꞌ nga asan it Filipos, wayan i surat namen, aku nga si Pablo baw si Timoteo, nga mga manigsirbi ni Cristo Jesus. Pagsuratan namen kamu nga maglalagpit nat ki Cristo Jesus ngaytu, kamu nga mga ipiyapinpin it Ampuꞌang Diyus nga mga taawan ya na, pati mga manigpamaalaꞌ mi baw mga katabang nira.

Filipos 2:25

Ta, si Epafrodito, nga sulsug tami kat pamayaꞌ nga piyapaꞌasini mi ngayan nga timnaban it tabang mit aken baw tumabyang it aken kat buwaten ku sini, talagang dakulaꞌ nga banar i tabang yat aken. Baw matuud nga, maski dakel i magpakikuntraꞌ, magayen kanyang iba-iba ku kat panindeg it Magayeng Baritaꞌ. Temed pagpikiren ku nga kaꞌilangan paꞌuliꞌen ku na asan.

Filipos 4:3

Baw ikaw, Susugus, nga matuud nga katabyang ku, may ipagpakiꞌupakat ku gasiꞌ it imu. Beteꞌ tabangen mu i duwang kababayan ngaytu nga magkagayen na sira. Ka sira ngaytu, dakulaꞌ talagay tabang nirat aken kat pangadal ku it Magayen ngaytu nga Baritaꞌ. Subung gasit ki Clemente baw beken paꞌ nga magtabang it aken. Talagang pagsisiguruun ku nga mamagsusurat nay mga ngaran nira duꞌun it pagsuratat mga ngaran it kumpur mabgayan it kaꞌgenan nga egay kaskedan.

Colosas 1:1

Mga sulsug namen kat pamayaꞌ nga asan it Colosas, wayan i surat namen, aku nga si Pablo nga esang apustul ni Cristo Jesus kat pabetang-betang it Ampuꞌang Diyus, baw si Timoteo nga sulsug ta gasiꞌ kat pamayaꞌ. Pagsuratan namen kamu nga maglalagpit nat ki Cristo, kamu nga mga ipiyapinpin it Ampuꞌang Diyus nga mga taawan ya na, nga magpamayaꞌ nga matuud it ki Cristo ngaytu. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Ampuꞌang Diyus nga Amaꞌ tami.

Colosas 4:11

Pagkumustaen kamu gasiꞌ ni Jesus nga panggetaꞌ it kanya, Justo. Sira lamang ngaytung tulu i mga namayaꞌ nga Judio nga kaꞌibaan ku it magpangadal pasar it kaꞌadiꞌan it Ampuꞌang Diyus. Talagang pagsagyaan kuy tabang nirat aken.

1 Tesalonica 3:2

ka papanawun ku na nga paꞌasat imyu si Timoteo, nga sulsug tami kat pamayaꞌ baw matuud nga manigsirbi it Ampuꞌang Diyus kat pangadal it Magayen ngaytung Baritaꞌ pasar it ki Cristo. Piyapaꞌasan ku kanya isaꞌun papaꞌgenen ya i pamayaꞌ baw pagsarig mi it Ampuꞌang Diyus baw paksegen ya i nakem mi,

2 Tesalonica 1:1

Mga pagmaꞌalen nameng mga sulsug kat pamayaꞌ nga asan it Tesalonica nga mga taawan na it Ampuꞌang Diyus nga Amaꞌ tami, kamu nga maglalagpit nat Ampuꞌan nga si Jesu-Cristo, wayan i surat namen, aku nga si Pablo, si Silas baw si Timoteo.

2 Timoteo 1:8

Aypaꞌ ega iꞌyaꞌ mu i magpamatuud pasar it Ampuꞌan ta. Ega gasiꞌ iꞌyaꞌ mu aku maski pirisu aku na sabap it panindeg kut kanya. In daꞌga yay magayen, subuk paꞌuyu-uyut ka nat kakuriꞌan ku ngaytu. Ega iꞌlaman muy pakuriꞌan ka sabap lamang it panindeg mu it Magayeng Baritaꞌ. Ka talagang papaꞌgenen ka it Ampuꞌang Diyus isaꞌun makasagkaꞌ ka.

Filemon 1:23

Pagkumustaen ka ni Epafras, nga sulsug ta kat pamayaꞌ it ki Cristo Jesus, baw iba ku sinit pirisuwan ngayni.

Filemon 1:24

Pati si Marcos, si Aristarco, si Demas, baw si Lucas, nga mga kasubung ku nga manigbuwat it buwaten it Ampuꞌan, magpangumusta gasit imu.

Filemon 1:9

temed, ega buwaten kuytu. In daꞌga sabap it raras mu ngaytu magpakiꞌupakat akut imu, aku nga si Pablo nga magurang na baw pagpipirisuun paꞌ sabap it panindeg ku it ki Cristo Jesus.