Exodo 9:12 - Tagbanwa

¹² Temed ta, yanayti, subung nat inaat ngayti it AMPUꞌANG DIYUS nga buwaten ya nga magmategas i adiꞌ ngayti, aypaꞌ pasigi nga pagpasngelan yay pagꞌaaten na Moises, duwa ni Aaron.

Exodo 9:12 Iomraidhean Croise

Exodo 10:1

Bawnga inaat siꞌ it AMPUꞌANG DIYUS si Moises. Maat ya, “Paꞌaduꞌun ka siꞌ it adiꞌ, ka ipasigi ku pay pagmategas ya ngayan baw kat mga katimbang ya isaꞌun matuman kuy mga kalililuꞌang bagay nga kubwaten ku duꞌun it kanira.

Exodo 10:20

Temed ipiyasigi it AMPUꞌANG DIYUS i pagmategas it adiꞌ ngayti, aypaꞌ ega naga ipiyalugut yay mga Israelita nga mapanaw.

Exodo 11:10

Yay matuud, binwat na Moises, duwa ni Aaron, i muꞌsa ngaytung mga kalililuꞌang buwat duꞌut adapan it adiꞌ, temed ega naga nagpalugut kanya it limiꞌwan i mga Israelita duꞌun it banwa ya, sabap it piyategas na kanya it AMPUꞌANG DIYUS.

Exodo 14:8

Piyaꞌuliꞌnan siꞌ it AMPUꞌANG DIYUS i pagmategas it adiꞌ ngayti. Egay beken, inusig ya nagay mga Israelita ngayti nga duꞌun nat pagpanawan nira, nga mamagsasagyay magpanaw.

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 9:7

Ipiyabaꞌnaw it adiꞌ i duꞌut mga Israelita ngayti. Ta atkayti nga matuud nga maski sangbat, egay magpatay nga kanirang mga ayep duꞌun. Temed maski atkayti nang kaꞌulugan, sigi gang pategas ya. Ega ga lamang ipagpalugut ya it mapanaw i mga Israelita ngayti.

Juan 12:40

“Binleg ya i mga mata nira baw piyadsen ya i mga ulu nira isaꞌun daꞌsira makalteg u makasepsep, u makapaꞌuliꞌ sira duꞌut kanya isaꞌun nga mapagayen ya sira.”

Roma 9:18

Aypaꞌ maꞌyag nga pagꞌildawan it Ampuꞌang Diyus i in siyuy ireg ya nga ildawan, baw pagpadsenen yay ulu it iyan ireg ya nga demsen i ulu.