Exodo 8:9 - Tagbanwa

⁹ Katubag si Moises it adiꞌ ngayti, “Ta ikaw na i magꞌaat. Kaꞌnu yan i ireg mu nga ipanalangin ku isaꞌun maꞌawaꞌ nay mga baꞌak ngaytu situt banwa mi baw mga babalayan mi, nga yamanay maꞌped, iyan nga duꞌut danum it Nilo?”

Exodo 8:9 Iomraidhean Croise

1 Mga Adiꞌ 18:25

Bawnga inaat ni Elias i mga prupitaꞌ ngayti ni Baal, “Sabap it kamuy dakel, kamuy muꞌnat miliꞌ asat duwang batu ngayang tudu, in ari ireg mi, bawnga itsuun mi na. Pagkaꞌitsu mi, taꞌwagan mi nay diyus mi, temed ta yanayan, ayaw kamut pagꞌapuy.”

Exodo 7:25

Pitu nang aldaw i timnaꞌlib garing it ipiyaꞌatkayti it AMPUꞌANG DIYUS i Nilo ngayti.

Exodo 8:10

“Dedelem,” maat it adiꞌ ngayti. “Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen.

Exodo 8:11

Magliꞌid nayay mga baꞌak ngayan kat balay mu baw duꞌut babalayan it mga taawan mu, yamanay maꞌped, duꞌut danum it Nilo.”

Exodo 8:8

Ta, it atkayti na, ipiyapisiꞌ it adiꞌ ngayti na Moises. Pagꞌabut, maat ya, “Ipanalangin mi duꞌun it AMPUꞌANG DIYUS nga awaꞌen ya naga situt amen i mga baꞌak ngaytu. Bawnga ipalugut ku na nga mapanaw kamu isaꞌun makasamba kamu nat AMPUꞌANG DIYUS mi.”

Mga Pagbayaꞌen 7:2

Maat it AMPUꞌANG DIYUS it ki Gedeon, “Dakel naytu nga banar i kaꞌibaan mu ngaytu. Barang iyan i pikiren nira, sadili nira nga pandaꞌeg it mga Madianita, ega sabap it tabang ku.