Exodo 8:22 - Tagbanwa

²² Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu.

Exodo 8:22 Iomraidhean Croise

Genesis 46:34

isugid mi it kanya nga garing it dedekeyeꞌ kamu paꞌ, manigꞌeper kamu nat ayep, subung nagat mga kagiyaringanan mi. Ta, basta tubagen mi it atkayan, siguradu nga makataꞌid kamu sikaytut Gosen ngaytu.” Atkayti i inaat ya ka mga taga Egipto ngayti, pagraꞌwayen niray manigꞌeper.

Exodo 10:23

Daꞌgay uru-urut it sang kataawan it iba ya, aypaꞌ seledat nakatlu ngayti egay liꞌi-liꞌid nira. Temed maꞌyag i duꞌut rugar ngayting pagtataꞌidan it mga Israelita.

Exodo 12:13

Duguꞌ ngayan nga duꞌun it mga salakwatan it balay mi, iyan i buwaten nga imandaꞌan it duꞌun kamu. Sabap in maltegan ku i duguꞌ ngayan, taꞌliban kuy taw ya sikayan it iyan nga balay. Daꞌkamu kaꞌuyut it buwaten ku ngaytu nga panriga ku it taga Egipto.

Exodo 19:5

Kayti in sunudun mi ga aku baw ega ranggaꞌen mi i ipagpakiꞌupakat ku it imyu, kararasan ku na kamu nga mga taw nga piniliꞌ ku. Sabagay aken talaga i muꞌsang bangsat taw, temed kamu, ipapinpin ku.

Exodo 20:11

Sabap seledat enem nga aldaw, kiyumplitu ku i mga kugunaen ku nga langit, banwa, dagat baw muꞌsang betang nira. Pagꞌabut it ikapitu ngaytu nga aldaw, ega nay binwat ku ka nakumplitu nay muꞌsa. Aypaꞌ ka ipiyablag ku na i itung aldaw, ka ipagpabetang ku nga ega basta-bastang aldaw.

Exodo 7:17

Aypaꞌ itu siꞌ i tugun it AMPUꞌANG DIYUS. May buwaten ya na isaꞌun makilalaan mu in siyuy AMPUꞌANG DIYUS ngaytu nga paꞌaaten. Pakpaken ku nay danum it Nilo it pagseskelen ku ngaytu nga sungkud ku. Bawnga danum ngaytu, magbalyung duguꞌ.

Exodo 7:5

Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”

Exodo 8:10

“Dedelem,” maat it adiꞌ ngayti. “Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen.

Exodo 8:21

Temed in ega paꞌ ipalugut mu, langaw siꞌ i mipnuꞌ it babanwaan mi ngaytu, sadili mu nga pamalay-balay baw kat mga taawan mu. Langawun nay mga bilug mi baw ta, pati lugtaꞌ lekpen gasiꞌ.

Exodo 8:23

Bidaꞌen ku nagay akeng taawan baw taawan mu. Buwaten ku dedelem i kalililuꞌan ngaytung bagay.’”

Exodo 9:26

Yamanay ega pinsag it yilu, duꞌut Gosen ngayti nga pagtataꞌidan it mga Israelita.

Exodo 9:29

Tiyubag ni Moises, “Pagkaliꞌwan ku situt siyudad ngaytu, iptat ku nay mga alima ku ka manalangin na duꞌut AMPUꞌANG DIYUS. Medek nay panduldug baw timiꞌdaw nay uran ngaytu nga yilu. Sikayan maꞌrutan mu nga AMPUꞌANG DIYUS i magbebegbeg it muꞌsang banwa.

Exodo 9:4

Temed bidaꞌen ku naga i mga ayep mi baw ayep it mga Israelita. Egay matay nga maski sangbat it kanira nga mga ayep, in daꞌga imyu lamang.

Exodo 9:6

Ta pagsunud nga aldaw, tiyuman nga matuud it AMPUꞌANG DIYUS. Simnari nat patay i muꞌsang mga ayep it mga taga Egipto nga duꞌut pagpasturan. Temed egay miyatay nga maski sangbat nga mga ayep it mga Israelita.

Malakias 3:18

Baw mabut siꞌ nga talagang mamuyaan mi i piyagbelagan it matanaꞌan it mga mataldeng baw mga maraꞌe-raꞌet i adat, iyan mga taw nga mamagsirbi it aken baw ega.”