Exodo 8:21 - Tagbanwa

²¹ Temed in ega paꞌ ipalugut mu, langaw siꞌ i mipnuꞌ it babanwaan mi ngaytu, sadili mu nga pamalay-balay baw kat mga taawan mu. Langawun nay mga bilug mi baw ta, pati lugtaꞌ lekpen gasiꞌ.

Exodo 8:21 Iomraidhean Croise

Exodo 10:6

Imu nga balay baw mga balay it mga katimbang mu baw muꞌsang mga taga Egipto, mapnuꞌ talaga it mga apan ngaytu. Garing it tagnaꞌ paꞌ, ega pay nalabayan it mga kagiyaringanan mi nga subung it malabayan mi kayti.’” Pagkatupus it iting inampang, limniꞌwan na Moises duꞌut adapan it adiꞌ ngayti.

Exodo 8:20

Inaat siꞌ it AMPUꞌANG DIYUS si Moises, “Maꞌadlem ka dedelem, ka kitaen mu siꞌ i adiꞌ in padanum kanya. Isugid mu siꞌ duꞌut kanya i ampang ku ngaytu nga magꞌaat, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba sira it aken.

Exodo 8:22

Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu.

Exodo 8:24

Ta binwat nga matuud it AMPUꞌANG DIYUS i inaat ya ngayti. Mugdak makang matuud i langaw, uratan i lawang. Siminled sira duꞌut mga kababalayan, duꞌun it balay it adiꞌ, mga katimbang ya, baw muꞌsang mga taga Egipto. Talagang dakulang karanggaꞌan duꞌun it muꞌsang banwa nga Egipto.