Exodo 8:19 - Tagbanwa

¹⁹ Ta it atkayti, inaat it mga may kepetan ngayti i adiꞌ, “Itu ngaytung kaꞌulugan, buwat ga it esang diyus nga gunaan.” Temed sigi nga pagmategas it adiꞌ ngayti. Ega naga nagpagneg, subung it inaat ngayti it AMPUꞌANG DIYUS.

Exodo 8:19 Iomraidhean Croise

Genesis 41:24

Maat tinlen it kuwayen ngayting mamagkayaꞌkaꞌ na i pitu ngayting kuway nga mabuburun. Itiyuturan ku naytu duꞌut mga makakaꞌrut nga mamimintuꞌ nga may mga kepetan, temed egay maski siyu nga magkasugid it aken in unuy kaꞌulugan kaytung tagaynep”.

Exodo 10:23

Daꞌgay uru-urut it sang kataawan it iba ya, aypaꞌ seledat nakatlu ngayti egay liꞌi-liꞌid nira. Temed maꞌyag i duꞌut rugar ngayting pagtataꞌidan it mga Israelita.

Exodo 10:7

Inaat nat mga katimbang yay adiꞌ ngayti. Maat nira, “Sang unu pay kaꞌlay it kakuriꞌan tami sabap it itung taw? Ipalugut mu na nga mapanaw i mga taw ngayti ka sumamba it AMPUꞌANG DIYUS nira. Unu, ega paꞌ magkaltegan mu nga naranggaꞌ nay muꞌsang banwa nga Egipto?”

Exodo 11:7

Temed egay maski bukaw it keꞌdeng nga sumasaw it mga Israelita. Sikayan maꞌrutan mu nga may piyagbidaꞌan it pabetang it AMPUꞌANG DIYUS it mga Israelita baw mga taga Egipto.’”

Exodo 7:13

Temed maski atkayti na, nagpategas naga i adiꞌ ngayti. Ega namayaꞌ it inaat ngayti na Moises duwa ni Aaron, subung nat inaat naga ngayti it AMPUꞌANG DIYUS.

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 7:5

Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”

Exodo 9:26

Yamanay ega pinsag it yilu, duꞌut Gosen ngayti nga pagtataꞌidan it mga Israelita.

Exodo 9:4

Temed bidaꞌen ku naga i mga ayep mi baw ayep it mga Israelita. Egay matay nga maski sangbat it kanira nga mga ayep, in daꞌga imyu lamang.

Daniel 2:19

Ta, iti nga delem, subuk ipiyatagaynep it Ampuꞌang Diyus it ki Daniel i inangut ya ngayti nga kaꞌulugan. Egay beken, biyantug ni Daniel i Ampuꞌang Diyus ngayti nga duꞌun it langit nga magbebegbeg it muꞌsa.

Mateo 12:28

Ta it kakayaan it Espiritu Santo nga garing duꞌun it Ampuꞌang Diyus i ipagkaꞌimugaw kut mga mararaꞌe-raꞌet, daꞌga baꞌ nangangaꞌulugan nga miyabut na situt imyu i kaꞌadiꞌan it Ampuꞌang Diyus?”

Lucas 11:20

Ta, kayti, in magꞌimugaw akut mga maraꞌe-raꞌet kat keseg it guna it Ampuꞌang Diyus, daꞌga baꞌ nangangaꞌulugan nga miyabut na situt imyu i kaꞌadiꞌan it Ampuꞌang Diyus ngaytu?

Juan 11:47

Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Mga Binwat 4:16

Maamaatan sira, “Unuytuy magayeng buwaten tamit itung mga taw? Ka matanyag naytu kat muꞌsang mga taga Jerusalem nga nakabwat sirat esang tandaꞌanan nga kalililuꞌang bagay. Simpri, ega maꞌaat ta nga ambut lamang yan.