Exodo 8:18 - Tagbanwa

¹⁸ Siyukdanan naga gasiꞌ it mga may kepetan ngayti i atkayti, temed egay kaya nira nga pabalyuun nga neknek i kapu-kapu. Talagang magkakuriꞌan i katataawan ngayti, pati mga ramu-ramu, sabap it neknek ngayti.

Exodo 8:18 Iomraidhean Croise

Genesis 41:8

Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.

Exodo 10:23

Daꞌgay uru-urut it sang kataawan it iba ya, aypaꞌ seledat nakatlu ngayti egay liꞌi-liꞌid nira. Temed maꞌyag i duꞌut rugar ngayting pagtataꞌidan it mga Israelita.

Exodo 7:11

Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti.

Exodo 7:12

Ipiyamuntal nira i kanirang mga sungkud duꞌut kadaꞌtagan, namagbalyu gasing dukul nga muꞌsa. Temed piyanlen nga muꞌsa it sungkud ngayti ni Aaron nga piyabalyu ya ngayti nga dukul.

Exodo 8:7

Temed mga may kepetan ngayti nga pagsarigan it adiꞌ, nasbungan nira nagay iting binwat, nakapatingdal naga sira it mga baꞌak.

Exodo 9:11

Mga may kepetan ngayti, ega na kaya niray ginawa nira it pakikita it ki Moises sabap pati sira, piyamagbageꞌan nang tanan, atnagay muꞌsang mga beken nga taga Egipto.

Daniel 4:7

Natiꞌmes i muꞌsang mga makakaꞌrut nga mamimintuꞌ, mga manigmangmang, mga mamimintuꞌ nga manigpaꞌyag it tagaynep baw mga may pananamayaꞌ. Itiyuturan kut kanira i tiyagaynep ku ngayti temed daꞌsira nakapaꞌyag it kaꞌulugan ya.

Daniel 5:8

Natiꞌmes nga muꞌsa duꞌut adiꞌ ngayti i mga makakaꞌrut nga may kepetan, temed egay maski sang kataawan nga magkabasa it isiyurat ngayti u magkasugid it kaꞌulugan ya.

Lucas 10:18

Katubag si Jesus, maat ya, “Talagang nagpasar kat mata ku i pagꞌulug it ki Satanas nga garing duꞌun it langit. Subung talaga it kilat i kadali-daliꞌ.