Exodo 8:15 - Tagbanwa

¹⁵ Temed iyan namuyaan it adiꞌ ngayti nga naꞌawaꞌ nay iting kakuriꞌan, nagpategas siꞌ kanya. Ega siꞌ nagpagneg kanya it kana Moises duwa ni Aaron, subung naga it inaat ngayti it AMPUꞌANG DIYUS.

Exodo 8:15 Iomraidhean Croise

Exodo 14:5

Pagkasugid duꞌun it adiꞌ ngaytit Egipto nga miyalagyu na nga matuud i mga Israelita, nagbaꞌgu siꞌ i pikir ya, atnagay kat mga katimbang ya. Maamaatan sira, “Unu bay nabuwa-buwat ta ngaytu nga atkaytu nga ipiyasugu-sugut tat magliꞌid i mga Israelita? Ta yan siyu paꞌ sadaw i mga uripen ta?”

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 8:14

Ipiyamagkambung nay patay ngayti nga mga baꞌak, unupat miyuyuk i sang kabanwaan.

Exodo 8:16

Inaat siꞌ it AMPUꞌANG DIYUS it ki Moises, “Aaten mu siꞌ si Aaron nga iptat ya i sungkud ya ngayti baw pakpaken yay lugtaꞌ. Bawnga duꞌun it muꞌsang Egipto, muꞌsang kapu-kapu duꞌun, magbalyu na nga neknek.”

Exodo 8:28

Inaat siꞌ it adiꞌ ngayti, “Ipalugut ku na kamu nga paꞌaduꞌun it rugar nga kapupuyangtan nga manamba it AMPUꞌANG DIYUS mi, temed kaꞌilangan ega naga paꞌalaid kamu. Ta sigi, panalanginan mu na aku.”

Exodo 8:29

Maat i tubag ni Moises, “Pagkaliꞌwan ku situ, manalangin aku duꞌut AMPUꞌANG DIYUS, bawnga dedelem magliꞌid na situt imyu nga muꞌsa i mga langaw ngaytu. Temed ta, siguruun mu nga ega desang pandaya-dayaꞌ mu, nga ega naga ipalugut mu kami nga mapanaw.”

Exodo 8:32

Temed atkayti nagang atkayti, nagpategas nagay adiꞌ. Ega naga piyalugtan yay mga Israelita it mapanaw.

Exodo 8:8

Ta, it atkayti na, ipiyapisiꞌ it adiꞌ ngayti na Moises. Pagꞌabut, maat ya, “Ipanalangin mi duꞌun it AMPUꞌANG DIYUS nga awaꞌen ya naga situt amen i mga baꞌak ngaytu. Bawnga ipalugut ku na nga mapanaw kamu isaꞌun makasamba kamu nat AMPUꞌANG DIYUS mi.”

Hebreo 3:15

Ipademdem ku sit imyu i magbebtang ngayan duꞌut kasuratan it tagnaꞌ nga magꞌaat, “Kayti, basta nagnegan mi i ipagꞌaat it Ampuꞌang Diyus, ega sana padsenen mi i ulu mi nga subung it binwat nira ngayan nga kiyuntraꞌ nira kanya.”

Hebreo 3:8

ega sana padsenen mi i ulu mi nga subung it binwat it mga kagiyaringanan mi nga kiyuntraꞌ baw siyukda-sukdanan nira kanya duꞌun it rugar nga kapupuyangtan.

Mga Ipiyalteg 16:9

Ta unupat inseb nang matuud i katataawan, sabap it talagang subraꞌ na nga kasgaꞌ, aypaꞌ diniyampaꞌ niray Ampuꞌang Diyus nga nagpapanaw it mga kakuriꞌan ngayti. Talagang tinmed nira nga daꞌsira magsinguliꞌ baw mangindiꞌ it mga kasalaꞌan nira baw daꞌsira magbantug it Ampuꞌang Diyus.