Exodo 8:12 - Tagbanwa

¹² Ta miyuliꞌ na na Moises duwa ni Aaron. Ipiyanalangin na nira duꞌun it AMPUꞌANG DIYUS nga awaꞌen ya nay mga baꞌak ngayti nga pabetang-betang ya duꞌun it adiꞌ ngayti.

Exodo 8:12 Iomraidhean Croise

Exodo 10:18

Limniꞌwan na si Moises duꞌut adapan it adiꞌ ngayti bawnga nanalangin kanya duꞌut AMPUꞌANG DIYUS.

Exodo 32:11

Temed nagpasanguꞌ-sanguꞌ si Moises duꞌun it Ampuꞌang Diyus ya. “AMPUꞌANG DIYUS,” maat ya, “ayaw beteꞌ, ega isgan mu i mga taawan mu ngaytu, sira nga ipiyaliꞌwan mu duꞌut Egipto kat keseg it guna mu.

Exodo 8:13

Binwat naga it AMPUꞌANG DIYUS i inangut ngayti ni Moises. Miyatay nay muꞌsang mga baꞌak duꞌut mga babalayan, duꞌut mga kamaꞌyagan baw duꞌut mga kaꞌuꞌumaan.

Exodo 8:30

Pagkatupus kayti, nanliꞌwan na si Moises bawnga nanalangin duꞌun it AMPUꞌANG DIYUS.

Exodo 8:8

Ta, it atkayti na, ipiyapisiꞌ it adiꞌ ngayti na Moises. Pagꞌabut, maat ya, “Ipanalangin mi duꞌun it AMPUꞌANG DIYUS nga awaꞌen ya naga situt amen i mga baꞌak ngaytu. Bawnga ipalugut ku na nga mapanaw kamu isaꞌun makasamba kamu nat AMPUꞌANG DIYUS mi.”

Exodo 9:33

Ta, limniꞌwan na na Moises duꞌut adapan it adiꞌ ngayti. Pagkaliꞌwan nira duꞌut siyudad, ipintat na ni Moises i alima ya ka nanalangin duꞌut AMPUꞌANG DIYUS. Mindek na nga matuud i panduldug baw tedag it yilu, baw timniꞌdaw nay uran.