Exodo 8:10 - Tagbanwa

¹⁰ “Dedelem,” maat it adiꞌ ngayti. “Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen.

Exodo 8:10 Iomraidhean Croise

Exodo 8:9

Katubag si Moises it adiꞌ ngayti, “Ta ikaw na i magꞌaat. Kaꞌnu yan i ireg mu nga ipanalangin ku isaꞌun maꞌawaꞌ nay mga baꞌak ngaytu situt banwa mi baw mga babalayan mi, nga yamanay maꞌped, iyan nga duꞌut danum it Nilo?”

Exodo 9:14

Temed in ega paꞌ ipalugut mu, magꞌindadangep nayan it talagang mabeꞌgat i ibetangan ku it imu, pati mga taawan mu baw kapuꞌsaan it mga sinakepan mu nga mga taga Egipto. Atkaytu i buwaten ku isaꞌun maꞌrutan mu nga egay maski siyu nga kasbung it aken.

Exodo 9:29

Tiyubag ni Moises, “Pagkaliꞌwan ku situt siyudad ngaytu, iptat ku nay mga alima ku ka manalangin na duꞌut AMPUꞌANG DIYUS. Medek nay panduldug baw timiꞌdaw nay uran ngaytu nga yilu. Sikayan maꞌrutan mu nga AMPUꞌANG DIYUS i magbebegbeg it muꞌsang banwa.

Isaias 40:18

Unuy mapatibayaꞌan mi it Ampuꞌang Diyus, baw unu gasiꞌ nga pagkinataw i mapasbungan mi it kanya?

Isaias 40:25

“Ta kayti, unuy mapatibayaꞌan mi it aken? Siyuy mapasbungan mi?” maat it Ampuꞌang Diyus nga Ega Babasta-bastaen baw alaid kat muꞌsang kasalaꞌan.

Santiago 4:14

Temed ta, ega paꞌ magkaꞌrutan mi in unuy mabetangan mi it kumadedelman. Sabap kaꞌgenan ta, subung lamang it tabuk nga timindeg, ega maꞌlay magsipat.