Exodo 8:1 - Tagbanwa

¹ Bawnga inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ ngayti ka may ipagpasugid ku siꞌ it imu duꞌut kanya. Aaten mu nga, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba it aken.

Exodo 8:1 Iomraidhean Croise

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 3:18

Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’

Exodo 5:1

Bawnga naꞌaduꞌun na na Moises duwa ni Aaron it adiꞌ it Egipto. Pagꞌabut nira, maat nira, “Kagalang-galang nga Adiꞌ, maat it AMPUꞌANG DIYUS namen nga mga Israelita, ‘Ipalugut mu i mga taawan ku ngaytu nga paꞌaduꞌun it rugar nga kapupuyangtan, ka pistaꞌan nira aku.’”

Exodo 5:3

Maat siꞌ na Moises, “Talagang nagpakikita it amen i Ampuꞌang Diyus namen nga mga Hebreo. Aypaꞌ asi-asi pat imu, ipalugut mu na kami it mapanaw. Tulung aldaw tuy panawan namen ngaytu duꞌut rugar nga kapupuyangtan ka muwat it ipagsamba duꞌun it AMPUꞌANG DIYUS namen. Ka in daꞌga mabwat namen i atkayti, paꞌabutan ya kami it sarut u maski kamataynen.”

Exodo 7:16

Aaten mu kanya, ‘Piyaꞌasitu akut imu it AMPUꞌANG DIYUS namen nga mga Hebreo. Maat bay tugun ya situt imu, “Ipalugut mu na nga mapanaw nay mga taawan ku nga mga Hebreo ka sumamba sira it aken duꞌun it rugar nga kapupuyangtan. Temed seked kayti, ega paꞌ pagsambungan mu.”

Exodo 7:25

Pitu nang aldaw i timnaꞌlib garing it ipiyaꞌatkayti it AMPUꞌANG DIYUS i Nilo ngayti.

Exodo 8:2

Temed in ega paꞌ ipalugut mu, ipnuꞌun kuy muꞌsang banwa mu it baꞌak.

Exodo 8:20

Inaat siꞌ it AMPUꞌANG DIYUS si Moises, “Maꞌadlem ka dedelem, ka kitaen mu siꞌ i adiꞌ in padanum kanya. Isugid mu siꞌ duꞌut kanya i ampang ku ngaytu nga magꞌaat, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba sira it aken.

Exodo 9:1

Inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ. Isugid mu siꞌ i ampang ku ngaytu nga, ‘Ituy ipiyagꞌaat it imu it AMPUꞌANG DIYUS it mga Hebreo. Ipalugut mu nat mapanaw i mga taawan ku ka sumamba sira it aken.