Exodo 7:5 - Tagbanwa

⁵ Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”

Exodo 7:5 Iomraidhean Croise

Exodo 10:2

Baw gasiꞌ isaꞌun matuturan mi it mga anak-inapuꞌ mi in magꞌuꞌunu piyakuriꞌan ku i mga taga Egipto kat mga kalililuꞌan ngaytung bagay nga kimnegdan it kanira. Baw beken, isaꞌun maꞌrutan mi nga aku, AMPUꞌANG DIYUS nga matuud.”

Exodo 10:7

Inaat nat mga katimbang yay adiꞌ ngayti. Maat nira, “Sang unu pay kaꞌlay it kakuriꞌan tami sabap it itung taw? Ipalugut mu na nga mapanaw i mga taw ngayti ka sumamba it AMPUꞌANG DIYUS nira. Unu, ega paꞌ magkaltegan mu nga naranggaꞌ nay muꞌsang banwa nga Egipto?”

Exodo 18:8

Itiyuturan nga muꞌsa ni Moises i muꞌsang binwat it AMPUꞌANG DIYUS duꞌut adiꞌ it Egipto baw kat mga sinakepan ya nga mga taga Egipto, baw in magꞌuꞌunu ya ipiyagribri i mga Israelita. Itiyuturan ya nga muꞌsa i mga kakuriꞌan nga liyabay nira duꞌut pagpanawan nira baw in magꞌuꞌunu sira tiyabang it AMPUꞌANG DIYUS.

Exodo 3:20

Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”

Exodo 6:1

Ta it atkayti, maat it AMPUꞌANG DIYUS it ki Moises, “Maltegan mu na kayti in unuy buwaten ku it adiꞌ ngayan. Egaytu desang mapaskedan ku kanya it palugut it imyu nga mapanaw, in daꞌga talagang regesen ku nga pangimugawun ya na kamu.”

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Exodo 7:17

Aypaꞌ itu siꞌ i tugun it AMPUꞌANG DIYUS. May buwaten ya na isaꞌun makilalaan mu in siyuy AMPUꞌANG DIYUS ngaytu nga paꞌaaten. Pakpaken ku nay danum it Nilo it pagseskelen ku ngaytu nga sungkud ku. Bawnga danum ngaytu, magbalyung duguꞌ.

Exodo 8:10

“Dedelem,” maat it adiꞌ ngayti. “Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen.

Exodo 8:19

Ta it atkayti, inaat it mga may kepetan ngayti i adiꞌ, “Itu ngaytung kaꞌulugan, buwat ga it esang diyus nga gunaan.” Temed sigi nga pagmategas it adiꞌ ngayti. Ega naga nagpagneg, subung it inaat ngayti it AMPUꞌANG DIYUS.

Exodo 8:22

Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu.

Ezekiel 36:23

Maski natibabaꞌ i ngaran ku sabap it imyu kat paꞌari-aring bangsa, talagang itanyag ku i ega basta-basta ngaytu nga kabantugan ku. Makilalaan yan it muꞌsa ngaytung bangsa nga beken nga aku i AMPUꞌANG DIYUS in maltegan nira i kagayenan ngaytu nga ipapanaw ku situt imyu.