Exodo 7:3 - Tagbanwa

³ Temed ega payan ipalugut kamu it adiꞌ ngayan ka buwaten ku paꞌ kanya nga mategas. Yay matuud, maski dakel i buwaten ku nga kalililuꞌang bagay situt Egipto,

Exodo 7:3 Iomraidhean Croise

Exodo 11:10

Yay matuud, binwat na Moises, duwa ni Aaron, i muꞌsa ngaytung mga kalililuꞌang buwat duꞌut adapan it adiꞌ, temed ega naga nagpalugut kanya it limiꞌwan i mga Israelita duꞌun it banwa ya, sabap it piyategas na kanya it AMPUꞌANG DIYUS.

Exodo 11:9

Maat it AMPUꞌANG DIYUS it ki Moises, “Iyan ega nagayan pagneg i adiꞌ ngayan it inampang mu. Magꞌaꞌatkayan yan isaꞌun mabwat ku i mga kalililuꞌan ngaytu nga bagay kat banwa ya nga Egipto.”

Exodo 3:20

Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”

Exodo 4:29

Nagbayaꞌ na siray napanaw nga naꞌaduꞌun it Egipto, nga naniꞌmes it mga ginuꞌu it mga Israelita.

Exodo 4:7

“Ta,” maat siꞌ it AMPUꞌANG DIYUS, “isaꞌup mu siꞌ.” Piyamayaꞌ naga ni Moises. Pagsurut ya siꞌ it alima ya ngayti, egay maski unu nga bangbang.

Exodo 7:13

Temed maski atkayti na, nagpategas naga i adiꞌ ngayti. Ega namayaꞌ it inaat ngayti na Moises duwa ni Aaron, subung nat inaat naga ngayti it AMPUꞌANG DIYUS.

Exodo 9:16

Temed ega naga binwat kuy atkayti, in daꞌga ipiyatindeg ku ikaw isaꞌun lamang kat mga buwaten ku it imu, ipatantu ku i keseg it guna ku baw isaꞌun gasiꞌ lemkep it muꞌsang banwa i katanug it ngaran ku.

Juan 4:48

Inaat kanya ni Jesus, “In daꞌga palan makalteg kamu it mga tandaꞌanan nga kalililuꞌang bagay nga pagbuwaten ku, talagang daꞌkamu magpamayaꞌ.”

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Mga Binwat 7:36

Eeꞌ baꞌ, si Moises ngayti i nagpaliꞌwan it kanira duꞌun it Egipto. Dakel i nabwat ya nga tandaꞌanan nga kalililuꞌang bagay duꞌun it Egipto ngayti, baw duꞌun it Madarag nga Dagat, baw kat seledat epat nga pulung taꞌun nga pagpanguꞌnaan ya sira duꞌun it kapupuyangtan nga rugar.

Roma 15:19

Kat ega basta-bastang tabang it Espiritu Santo dakel i nabwat kung kalililuꞌang bagay nga tandaꞌanan it matuud i ipagpanulduꞌ ku. Talagang alalaid nang mga banwa i napangadalan kut Magayen ngaytung Baritaꞌ pasar it Manriribri nga si Cristo. Garing duꞌut Jerusalem simingked duꞌut Ilirico subuk egay naribayan ku nga rugar.

Roma 9:18

Aypaꞌ maꞌyag nga pagꞌildawan it Ampuꞌang Diyus i in siyuy ireg ya nga ildawan, baw pagpadsenen yay ulu it iyan ireg ya nga demsen i ulu.