Exodo 7:11 - Tagbanwa

¹¹ Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti.

Exodo 7:11 Iomraidhean Croise

Genesis 41:8

Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.

Exodo 7:12

Ipiyamuntal nira i kanirang mga sungkud duꞌut kadaꞌtagan, namagbalyu gasing dukul nga muꞌsa. Temed piyanlen nga muꞌsa it sungkud ngayti ni Aaron nga piyabalyu ya ngayti nga dukul.

Exodo 7:22

Temed mga taawan it adiꞌ ngayti nga may mga kepetan, nasbungan niray iting binwat, aypaꞌ nagpategas pay adiꞌ ngayti. Ega nagpagneg kanya it ampang na Moises, subung nat inaat ngayti it AMPUꞌANG DIYUS.

Exodo 8:18

Siyukdanan naga gasiꞌ it mga may kepetan ngayti i atkayti, temed egay kaya nira nga pabalyuun nga neknek i kapu-kapu. Talagang magkakuriꞌan i katataawan ngayti, pati mga ramu-ramu, sabap it neknek ngayti.

Exodo 8:3

Padaklen ku sira nga banar duꞌut danum it Nilo ngayti, baw reet-reet na i maningdal. Pamanwaan nira i balay mu. Talagang ega nay radang-radangan it seled it balay, paꞌirigaꞌan, baꞌak nayang muꞌsa. Atkayan naga i muꞌsang kababalayan basta taga Egipto. Masalyaan nira i mga dapugan baw mga palangganaꞌ nga papaꞌalsaan it tinapay mi.

Exodo 8:7

Temed mga may kepetan ngayti nga pagsarigan it adiꞌ, nasbungan nira nagay iting binwat, nakapatingdal naga sira it mga baꞌak.

Daniel 2:2

Ta it atkayti, ipiyapisiꞌ ya i muꞌsang may mga kepetan, subung it mga makakaꞌrut nga mamimintuꞌ, mga manigmangmang, mga katungkulan baw mga mamimintuꞌ nga manigpaꞌyag it mga tagaynep. Ipiyapisiꞌ sirat adiꞌ ngayti ka ipaꞌyag niray tiyagaynep ya ngayti. Pagꞌadap nira duꞌun it adiꞌ,

Daniel 2:27

Katubag si Daniel, maat ya, “Itu nga kaꞌulugan nga pagꞌangutun mu ngaytu, talagang ega baytu makapaꞌyag it maski siyu nga may kepetan, mga makakaꞌrut nga mamimintuꞌ, mga manigmangmang u mga mamimintuꞌ nga manigpaꞌyag it tagaynep.

Daniel 4:6

Aypaꞌ binwat ku, ipiyatawag ku i muꞌsang mga makakaꞌrut nga may kepetan situt Babilonia ngaytu, ka isaꞌun kapaꞌyag nira i kaꞌulugan it tiyagaynep ku ngayti.

Daniel 5:11

Ka situt kaꞌadiꞌan mu ngaytu, may sang kataawan tu situ nga pagpanakman it ega basta-bastang mga diyus. Ka iyan timpu pat amaꞌ mu nga si Nabucodonosor, nagpalteg kanyat ega basta-bastang kiyaꞌrutan baw kasepsep ya nga subung it kaꞌrut it mga diyus. Aypaꞌ iyan nga taw, ipiyatindeg nat amaꞌ mu kat katengdanan nga kanya nay piyakapagbayaꞌen it muꞌsang may kepetan nga subung it mga makakaꞌrut nga mamimintuꞌ, manigmangmang, manigpaꞌyag it tagaynep baw mga may pananamayaꞌ situt Babilonia.

Daniel 5:7

Nanggagaꞌuy nay adiꞌ ngayti nga timnaꞌeg nga pamisiꞌen i mga may kepetan nga manigmangmang, mamimintuꞌ baw mga may pananamayaꞌ. Pagsigꞌabut it mga makakaꞌrut ngayti, maat ya, “Kayti, siyu-siyuy makabasa it surat ngayan baw kapaꞌyag it aken i kaꞌulugan ya, papakayan ku kanya it mabakas nga pakayan, pabaliꞌgan ku pat baliꞌeg nga bulawan, baw buwaten ku paꞌ kanya nga ikatlung piyakapagbayaꞌen situt kaꞌadiꞌan ku.”

Mateo 24:24

Sabap dakel talaga yan i mangambuꞌ it Cristo na kanya, baw may manluꞌsut payan nga magpapru-prupitaꞌ. Palteg sira it mga tandaꞌanan baw muwat sira it mga kalililuꞌan nga mga bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Galacia 3:1

Unu, pagꞌengel-engelen kamu na nga taga Galacia? Barang magpulpug kamu na! Diyaꞌeg aku talaga in unuka magpasasaw kamut mga magpanlibeg ngayat pikiran mi it tiyaꞌseb kamu nang banar it pagpatalandagan it kamataynen ngaytu ni Jesu-Cristo duꞌut krus.

Efeso 4:14

Ka ireg it Ampuꞌan nga daꞌta na subung it mangaꞌwaꞌ nga magkataban it duꞌun-sini nga panulduꞌ, nga subung sirat sakayan nga maglultaw lamang nga ipagtingbeꞌ-tingbet langeb baw ipagpirpir it deres. Magayen daꞌta na maluku it panulduꞌ it mga taw nga ega magayen i antap it nakem nira ka subung sirat magpangapaꞌ lamang it in siyuy maꞌakalan nira.

2 Tesalonica 2:9

Mandungwat ngaytu nga Gimpuꞌun it Kasutilan, dakulaꞌ talagay kiyaꞌrutan ya, nga kiyaꞌrutan nga garing duꞌun it ki Satanas. Sumari na kanyat buwat it dakel-dakel na nga kalililuꞌan, nga pamatuud it kakayaan ya nga yanay ipanluku yat katataawan.

2 Timoteo 3:8

Baw mga magpangadal ngaytut kanira, buwat nira, magpakikuntraꞌ sira it kamatuudan ngaytu, ka piyaraꞌe-raꞌet na talagay pikiran nira. Egay maski unu nga uru-urut nirat pamayaꞌ nga mapakay it Ampuꞌang Diyus. Subung lamang tu sira it ki Janes baw ki Jambres, nga kimnuntraꞌ it ki Moises it tagnaꞌ paꞌ.

2 Timoteo 3:9

Temed ega nagay liyapusan it duwa ngayti. Ta mga taw ngaytu gasiꞌ, ega talagay lapusan it buwat nira, in daꞌga mabut i matanyag na kat kadakel i kamaliꞌ nira.

Mga Ipiyalteg 19:20

Temed nadakepan i kumakaꞌen ngayting ramu-ramu. Nadakepan gasiꞌ i mapiyangakal ngayting prupitaꞌ nga piyabwat it ramu-ramu ngaytit mga kalililuꞌang bagay. Iti na ngayting mga kalililuꞌang bagay i giyamit ya nga pandayaꞌ yat mga taw nga inimandaꞌanan it markaꞌ it kumakaꞌen ngayting ramu-ramu baw simnamba it ladawan ya. Ta unupat duwa ngayting nadakepan, egen sira nga ibiyuntal duꞌun it lapnaw it magdiklap-diklap nay sugut asupri.