Exodo 7:10 - Tagbanwa

¹⁰ Egay beken, naꞌaduꞌun siꞌ sira it adiꞌ ngayti, uyun kat inaat ngaytit AMPUꞌANG DIYUS. Iyan duꞌun na sira, nabwat nga matuud ni Aaron nga ibiyuntal yay sungkud ya duꞌut piyagꞌada-adapan it adiꞌ baw mga katimbang ya. Nagbalyu nga matuud nga dukul.

Exodo 7:10 Iomraidhean Croise

Exodo 12:28

Bawnga siyunud nira it magayen i ipiyagꞌurdin ngayti it AMPUꞌANG DIYUS nga ipiyagꞌusay na Moises it kanira.

Exodo 4:3

“Iꞌindiꞌ mu,” maat it AMPUꞌANG DIYUS. Ipiyagꞌindiꞌ nga matuud ni Moises. Magkadaꞌtun duꞌun it lugtaꞌ, magbalyung dukul! Unupat nakaꞌisnud si Moises.

Exodo 7:15

Ta, paꞌaduꞌun kamu siꞌ it kanya. Rakudun mi kanya duꞌut danum it Nilo, padanum yan kanya it kadedelman. Tabanen mu i sungkud mu ngayan nga nagbalyung dukul.

Exodo 7:20

Muꞌsa ngayti nga inaat it AMPUꞌANG DIYUS, siyunud naga na Moises, duwa ni Aaron. Singkel ni Aaron i sungkud ya ngayti duꞌut sarungaan it adiꞌ baw mga katimbang ya bawnga piyakpak yay danum ngaytit Nilo. Bawnga muꞌsang danum, nagbalyung duguꞌ.

Exodo 7:6

Muꞌsa ngayti nga inaat it AMPUꞌANG DIYUS, siyunud nga muꞌsa na Moises, duwa ni Aaron.

Exodo 7:9

“Basta aaten kamu it adiꞌ nga palteg kamu it kalililuꞌang bagay nga katandaꞌ it talagang pagtaꞌgen ku kamu, aaten mu si Aaron nga ibuntal yay sungkud ya duꞌut adapan it adiꞌ ngayan. Magbalyu yan nga dukul.”

Marcos 16:18

May mga ega naga maꞌunu maski semkel sira it dukul u minum it kaꞌiꞌilu. May tapalen nira nga mga magsarut, nga mapagayen nira.”

Lucas 10:19

Dedemdemen mi tu, nga binggayan ku kamu it pudir nga maꞌindaꞌeg mi i muꞌsang keseg it kakuntraꞌ ta nga si Satanas baw mga taawan ya, nga kabilangan nira mga dukul baw bangkunawa nga subuk tegday-tegdayan mi temed daꞌkamu maꞌunu-unu nira.