Exodo 6:8 - Tagbanwa

⁸ Tabanen ta kamu duꞌun it banwa nga isiyanggup ku it may sumpa it ki Abraham, ki Isaac baw ki Jacob. Talagang ibgay kuyti it imyu, imyu na nga babanwaan. Aku talaga i AMPUꞌANG DIYUS.’”

Exodo 6:8 Iomraidhean Croise

Genesis 14:22

Temed maat i tubag ni Abram it adiꞌ ngaytit Sodoma, “Yay matuud, simnumpa aku duꞌut AMPUꞌANG DIYUS nga Piyakamataꞌas, kanya nga gimnuna it banwa baw langit.

Genesis 15:18

Sikayti ipiyamatuud it AMPUꞌANG DIYUS nga talagang tumanen yay pakiꞌupakat ya ngaytit ki Abram. Maat ya, “Talagang ibgay kut mga tungtung-inapuꞌ mu i itung banwa, garing duꞌut matanug nga danum it banwa nga Egipto mabut duꞌut kadanuman it Eufrates.

Genesis 26:3

Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

Genesis 35:12

Baw itung banwa ngaytu nga isiyanggup ku it apuꞌ mu nga si Abraham baw amaꞌ mu nga si Isaac nga ibgay ku it kanira, ibgay ku nagaytu it imu, subliyen it anak-inapuꞌ mu.”

Exodo 32:13

Demdemen mu naga i mga manigsirbi mu nga si Abraham, si Isaac baw si Jacob. Ka isiyanggup mu it kanira nga mga tungtung-inapuꞌ nira, padaklen mu nga subung it kadakel it mga bituꞌun duꞌut langit, baw seked it magtungtung-magꞌinapuꞌ makanira i kapuꞌsaan it banwa nga isiyanggup mu it kanira.”

Exodo 6:2

Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud.

Exodo 6:4

Nagpakiꞌupakat aku naga it kanira nga uyut i sanggup ku nga ibgay ku it kanira i banwa nga Canaan, iyan banwa nga pagtataꞌidan nira it iting timpu it subung paꞌ sira it dumadayuꞌ duꞌun.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Mga Bilang 14:30

Egay maski esa nga makaꞌbut duꞌun it banwa ngayan nga isiyanggup ku, magpuyra it kana Caleb nga anak ni Jefone baw si Josue nga anak ni Nun.

Josue 24:13

Binggayan ku kamu it banwa nga ega kamuy nagpakariga. Piyataꞌid ku kamu kat mga lansangan nga ega kamu i nagpatindeg. Magkaꞌen kamu kayti it buwaꞌ it ubas baw olibo nga garing kat mga puꞌun nga ega kamuy liminwak,’ maat it AMPUꞌANG DIYUS.

Mga Ipiyalteg 10:6

Ka simnumpa kanya kat ngaran it Ampuꞌang Diyus nga egen it egay kaskedan, kanya nga gimnuna it langit baw banwa baw dagat, baw muꞌsang betang nira. Maat i nagnegan ku nga isiyumpa ya, “Ega nay elaten. Tumanen nay muꞌsa.

1 Samuel 15:29

Ka mabantug ngaytu nga AMPUꞌANG DIYUS it bangsa ngaytu nga Israel, talagang matuud i muꞌsang pagꞌaaten ya baw ega pabaꞌgu-baꞌgu seked it kaꞌnu-kaꞌnu. Ega kanya subung it taw nga magꞌalang-alang.”