Exodo 6:6 - Tagbanwa

⁶ Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Exodo 6:6 Iomraidhean Croise

Nehemias 1:10

Ka mga kabilug ku ngayti nga mga manigsirbi mu, mga taawan mu sira nga, kat keseg it ega basta-bastang guna mu, ipiyagꞌuliꞌ mu duꞌun it dati nga rugar nira.

Exodo 1:11

Aypaꞌ miniliꞌ sira it mga taw nga maꞌiꞌiseg nga mamaalaꞌ it mga Israelita ngayti, ka ipabetang nira nat ega magayen, uripnen na baw sariyan nat pakuriꞌ. Ipiyabwat it adiꞌ ngaytit Egipto it mga Israelita i duwa nga siyudad, Pitom baw Rameses, siyudad nga lagkawan it pangaꞌen baw kamanggadan ya.

Exodo 12:51

Kat iti nagang aldaw, ipiyaliꞌwan it AMPUꞌANG DIYUS i mga Israelita duꞌun it Egipto.

Exodo 16:6

Pagkatupus it pakisugi-sugid ngayti it AMPUꞌANG DIYUS, ipiyagꞌaat siꞌ na Moises, duwa ni Aaron, it mga Israelita ngayti. Maat nira, “Kayti nga apun matantuwan mi nga AMPUꞌANG DIYUS i nagpaliꞌwan it imyu duꞌut Egipto.

Exodo 18:1

Ta si Jetro ngayti nga sasirduti duꞌun it Madian baw punyangan ni Moises, nabaritaꞌan ya i mga binwat ngayti it AMPUꞌANG DIYUS nga tabang ya it ki Moises baw mga taawan ya nga mga Israelita, nga in magꞌuꞌunu ipiyaliꞌwan ya sira duꞌun it Egipto.

Exodo 2:11

Iyan ustuꞌ na nga lalaki si Moises, may esang aldaw nga namasyar kanya duꞌun it mga kabilug ya nga mga Hebreo. Naltegan ya i kakuriꞌan nga pagsagkaꞌen it mga kabilug ya ngayti kat mga mabebeꞌgat nga buwaten nira. May naltegan ya gasiꞌ nga esang Hebreo nga pagbalbagen it esang taga Egipto.

Exodo 3:17

Baw isiyanggup ku na nga ipaliꞌwan ku sira kat bangsa nga magpakuriꞌ it kanira. Tabanen ku sira duꞌun it malayaw nga banwa, nga magayen i lugtaꞌ baw bastanti i ipagkaꞌgen, nga banwa it mga Cananeo, Heteo, Amorreo, Perezeo, Heveo baw mga Jebuseo.

Exodo 3:8

Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo.

Exodo 32:11

Temed nagpasanguꞌ-sanguꞌ si Moises duꞌun it Ampuꞌang Diyus ya. “AMPUꞌANG DIYUS,” maat ya, “ayaw beteꞌ, ega isgan mu i mga taawan mu ngaytu, sira nga ipiyaliꞌwan mu duꞌut Egipto kat keseg it guna mu.

Exodo 6:2

Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud.

Exodo 6:8

Tabanen ta kamu duꞌun it banwa nga isiyanggup ku it may sumpa it ki Abraham, ki Isaac baw ki Jacob. Talagang ibgay kuyti it imyu, imyu na nga babanwaan. Aku talaga i AMPUꞌANG DIYUS.’”

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 7:5

Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”

Mga Binwat 13:17

Naꞌrutan tami na nga Ampuꞌang Diyus it bangsa tami nga Israel, piniliꞌ yay mga kiyaꞌapuꞌ-apuꞌan ta baw piyadakel ya sira, iyan nagpakibanwa sira duꞌut Egipto, baw inildawan ya sirat dakulang kagayenan. Bawnga, kat keseg it guna ya, ipiyaliꞌwan ya sira kat pagkaꞌuripen nira duꞌun.