Exodo 6:5 - Tagbanwa

⁵ Baw beken, nagnegan ku i panganin-anin it mga Israelita nga pagꞌuripnen it mga taga Egipto baw talagang ega paglilipaten ku i ipiyakiꞌupakat ku ngayti it kagiyaringanan nira.

Exodo 6:5 Iomraidhean Croise

Genesis 8:1

Ta, ega nalipatan it Ampuꞌang Diyus si Noe baw muꞌsang mga kaꞌibaan ya duꞌut pagsasakayan nira ngayti. Aypaꞌ ka piyaꞌyep ya nay deres kat sagpaw it lugtaꞌ. Ta, nagpapuꞌun nat mebas-ebas na i danum,

Genesis 9:15

demdemen ku siꞌ i isiyanggup ku ngaytu, nga itu i binwat ku nga katandaꞌ tami, pati muꞌsang maginawa kat sinirungat langit, nga iyan danum, ega na lumyud it ikapuuꞌ nat muꞌsang maginawa.

Exodo 2:23

Iyan naꞌlay nang naꞌlay, natay nay adiꞌ ngaytit Egipto. Temed sigi paꞌ nga panguripen it mga taga Egipto it mga Israelita duꞌun. Aypaꞌ talagang magpanganin-anin na sira baw magkapangabang na duꞌun it Ampuꞌang Diyus kat kadakulat kakuriꞌan nira ngayti.

Exodo 2:24

Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob.

Exodo 3:7

Maat paꞌ it AMPUꞌANG DIYUS it kanya, “Talagang naltegan ku nga subraꞌ na i kakuriꞌan it mga taawan ku duꞌun it Egipto. Nagnegan ku naga i pangabang nira sabap it pakuriꞌ it mga agalen nira. Talagang magkasanguꞌan ku sira.

Exodo 5:4

Temed iyan gay itiyubag it adiꞌ ngaytit Egipto it kana Moises, duwa ni Aaron, “Ay unuka paglingaꞌgen mi i mga taw? Unuka pagsasawun mi i buwat nira? Sigi, muliꞌ kamu na duꞌut mga buwaten mi.

Lucas 1:54

Talagang pagtabangen it Ampuꞌang Diyus i mga taawan ya nga tungtung-inapuꞌ ni Israel, ka pagdedemdemen yang pirmi i sanggup ya duꞌun it mga kagiyaringanan tami.

Lucas 1:72

Isiyanggup ya nga sanguꞌan ya i mga kagiyaringanan tami baw dedemdemen ya nga pirmi i ega basta-bastang pakiꞌupakat yat kanira.