Exodo 6:3 - Tagbanwa

³ Nagpakikita aku it ki Abraham, ki Isaac baw ki Jacob. Ipiyagsugid ku nga aku i Ampuꞌang Diyus nga landaw nga gunaan. Temed egay ipiyalteg ku it kanira nga adat ku nga magbayaꞌ it ngaran ku nga AMPUꞌANG DIYUS, adat ku nga magtuman it ipiyakiꞌupakat ku.

Exodo 6:3 Iomraidhean Croise

Genesis 13:18

Ega naꞌlay piyurun siꞌ ni Abram i balay ya ngayti ka napanaw siꞌ. Duꞌun i piyaꞌabutan yat kakakayuwan ni Mamre nga duꞌut Hebron. Pagꞌabut ya duꞌun, nagbuwat siꞌ it papangantengan it ipagsamba duꞌun it AMPUꞌANG DIYUS.

Genesis 17:1

Iyan siyam nang puluꞌ baw siyam nga taꞌun i idad ni Abram, nagpakikita siꞌ i AMPUꞌANG DIYUS it kanya. Maat i inaat ya, “Aku i Ampuꞌang Diyus nga landaw nga gunaan. Kayti, ituy ipagꞌaat kut imu, mangaꞌgenan ka it uyun kat kaꞌirgan ku. Magpakataldeng ka.

Genesis 22:14

Sikayti nga rugar, piyangaranan ni Abraham it AMPUꞌANG DIYUS i Megay it Mga Kaꞌilangan Ta. Seked kayti pagꞌaaten it mga taw nga, “Duꞌun it bukid it AMPUꞌANG DIYUS, ipagbegay yay pagkaꞌilanganen mu.”

Genesis 28:3

Pagkatupus ya, isiyunud ya nga inampang, paꞌildaw siꞌ, nga magꞌaat, “Sana ildawan ka it Ampuꞌang Diyus nga landaw nga gunaan. Padaklen ya nga banar i mga tungtung-inapuꞌ mu seked it magbaraꞌ nga mabagiꞌ-bagiꞌ nga bangsa, lamang sang puꞌun sira.

Genesis 35:11

Maat siꞌ i beken nga ipiyagꞌaat yat kanya, “Aku i Ampuꞌang Diyus nga landaw nga gunaan. Dumakel ka nga taw, anak-inapuꞌ mu, magdadaklan sira nga mga taw. Manggaring-garing kat mga tungtung-inapuꞌ mu i subuk dakel na nga bangsa, lamang esa-esay puꞌun nira. Baw limiꞌwan kat mga inapuꞌ mu i mga magꞌadiꞌ.

Exodo 3:14

Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

Mga Ipiyalteg 1:4

Aku nga si Juan i magsurat asat imyu, mga gurupu it mga magpamayaꞌ baw magsarig it Ampuꞌan kat pitung rugar nga sakep it Asia. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Diyus Amaꞌ, baw Ampuꞌan nga si Jesu-Cristo baw Espiritu Santo. Diyus Amaꞌ ngaytu, egen it egay kaskedan, ka garing it tagnaꞌ paꞌ may kanya na, pati kayti baw seked it kaꞌnu-kaꞌnu may kanya ga lamang. Baw Espiritu Santo ngaytu, tuluꞌ tu kanya it Ampuꞌang Diyus ngayting magꞌaꞌdung duꞌun it araꞌdungan ya kat pagkaꞌadiꞌ.