Exodo 6:2 - Tagbanwa

² Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud.

Exodo 6:2 Iomraidhean Croise

Genesis 15:7

“Magkaꞌrutan mu,” maat paꞌ it Ampuꞌang Diyus, “aku nga Ampuꞌang Diyus i miyaat ngayan it imu nga limꞌid ka duꞌut Ur, nga rugar it mga Caldeo, ka talagang ibgay kut imu i itung banwa nga subliyen it anak-inapuꞌ mu.”

Exodo 12:12

Kat iti naga nga delem, lekpen ku na i banwa nga Egipto. Imatayen ku nay kada panganay nira, taw, ramu-ramu, baw betanganan ku na it ukuman i muꞌsang mga pagbete-beteꞌen nga diyus duꞌun it Egipto. Aku ngaytu i AMPUꞌANG DIYUS.

Exodo 17:1

Gimnaring siꞌ i mga Israelita ngayti duꞌut rugar ngayti nga kapupuyangtan nga pagpangaranat Sin. Kayaꞌmat-kayaꞌmat lamang i panaw nira, uyun kat in sang unuy kaꞌalaid it panawan nira nga ipagꞌurdin it AMPUꞌANG DIYUS. Kaꞌsang aldaw, duꞌun siꞌ i piyagbalay-balayan nira it Refidim. Temed egay dadanum duꞌun kayti.

Exodo 20:2

“Aku i AMPUꞌANG DIYUS mi, nga nagpaliꞌwan it imyu duꞌun it Egipto baw duꞌun it pagkaꞌuripen mi.

Exodo 3:14

Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.

Exodo 3:15

Aaten mu i mga Israelita nga AMPUꞌANG DIYUS it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Exodo 6:8

Tabanen ta kamu duꞌun it banwa nga isiyanggup ku it may sumpa it ki Abraham, ki Isaac baw ki Jacob. Talagang ibgay kuyti it imyu, imyu na nga babanwaan. Aku talaga i AMPUꞌANG DIYUS.’”

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Isaias 43:11

Aku i AMPUꞌANG DIYUS. Talagang aku lamang. Puyrat aken ega na talaga i beken nga Manriribri.

Malakias 3:6

“Aku nga AMPUꞌANG DIYUS, talagang daꞌku pabaꞌgu-baꞌgu. Aypaꞌ ka ega piyuuꞌ ku kamu nga mga tungtung-inapuꞌ ni Jacob,