Exodo 6:12 - Tagbanwa

¹² Pagkagneg ni Moises, “Abaa,” maat ya, “magꞌuꞌunu nayan it daꞌku na pagpagnegan it mga Israelita? Daꞌga subraꞌ na siguru i adiꞌ ngayti, beken it pangangampangan ku, magꞌengke-engkeꞌ ngaytu?”

Exodo 6:12 Iomraidhean Croise

Exodo 3:11

“Aa bilaꞌ!” maat i tubag ni Moises. “Ay siyu aku na nga makaꞌadap nat adiꞌ ngayti baw paliꞌwan it mga Israelita duꞌun it Egipto?”

Exodo 3:13

“Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”

Exodo 4:1

“Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”

Exodo 4:10

Kaꞌampang siꞌ si Moises, maat ya, “Agalen ku, yay matuud, daꞌku baytu matalastas mampang garing pat tagnaꞌ baw maski kayti nga pagpakisugi-sugidan mu ngaytu aku. Magsurkut-surkut i pangangampangan ku ka mabeꞌgat i dilaꞌ ku mampang.”

Exodo 6:9

Ta muꞌsa ngayti, isiyugid ni Moises duꞌun it mga Israelita, temed daꞌsira na mamagpamayaꞌ ka nariga na sira it pagpakuriꞌan na ngayti sirang banar nga subuk ega na kaya nira.

Isaias 6:5

Kaꞌampang aku, “Unu nay baraꞌan ku kaytu it purus na maraꞌe-raꞌet i magliꞌwan kat baꞌbaꞌ ku, baw pagtataꞌidan ku, kasagpun it mga taw ngaytu nga maraꞌe-raꞌet gasiꞌ i kat baꞌbaꞌ nira. Siguraduytu nga maꞌilang aku naytu sabap makasalaꞌan aku nga nakalteg it AMPUꞌANG DIYUS nga landaw nga gunaan, kanya nga ega basta-bastang Adiꞌ.”

Mga Binwat 7:51

Ta kayti”, maat ni Esteban, “mararapar i aken. Ka talagang kadsen it ulu mi! Baw adat mit imyu, subung talaga it mga taw nga egay pagkilala it Ampuꞌang Diyus, ka pagpasngelan mi lamang i ampang ya. Pagkuntraꞌen mi nga pirmi i Espiritu Santo, subung nagat buwat it mga kagiyaringanan mi.