Exodo 5:21 - Tagbanwa

²¹ Pagkalteg it mamagꞌuliꞌ ngayti, maat nira, “Talagang tiksaꞌen kamu it AMPUꞌANG DIYUS sabap it binwat mi ngaytut amen kayti! Ta unu paꞌ kayti it nabwatan mi nay adiꞌ baw mga taawan ya it patikdan nirat sariyen kami naytut pangimatay nira!”

Exodo 5:21 Iomraidhean Croise

Genesis 16:5

Ta it ega naga magkabaraꞌan si Sarai, maat yat ki Abram, “Salaꞌ mu baytu nga pagtibabaꞌen aku na ni Agar. Unu paꞌ garing it aken i pagꞌasa-asawa mi ngaytu. Ta unuka kayting magbebteng na kanya, atkayan nay buwat yang magpataꞌas-taꞌas nat aken? Magkaꞌrutan bayat AMPUꞌANG DIYUS, in siyu manggid it aten i may kasalaꞌan!”

Genesis 31:53

Ka in siyuy rumanggaꞌ it gayen it piyagꞌupakatan ta ngaytu, mukuman it kanya i kanyang pagtaꞌwagan. In ikaw i rumanggaꞌ, Ampuꞌang Diyus i mukuman, nga yan i pagtaꞌwagan ni Abraham. In beteꞌ aku, aken nga pagtaꞌwagan i mukuman it aken, iyan nga pagtaꞌwagan gasiꞌ it apuꞌ ku nga si Nacor baw amaꞌ ya.” Aypaꞌ simnumpa si Jacob kat ngaran it Ampuꞌang Diyus, kanya nagang paggalangen it may iꞌlam it amaꞌ ya nga si Isaac. Isiyumpa ya nga ega ranggaꞌen yay piyagꞌupakatan nira ngayti.

Exodo 14:11

Baw ta, si Moises na ngayti, tiyemek-temek nira nga magꞌaat, “Salaꞌ muytu! Unu, ega nay malbengan it amen duꞌut Egipto, aypaꞌ ka tiyaban mu na kami situt kapupuyangtan ngaytung rugar, nga sikaytu nay patayan nameng muꞌsa? Ta letganan mu kaytu! In daꞌkami paꞌ riniwak-riwak mu duꞌun it Egipto, ega atkaytuy mabetangan namen.

Exodo 15:24

Ta it atkayti, siyarasa it mga Israelita ngayti si Moises. Maat nira, “Ta unu naytuy imnun namen kaytu?”

Exodo 16:2

Sikayti it kapupuyangtan nga rugar, siyarasa siꞌ it mga Israelita ngayti na Moises, duwa ni Aaron.

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Exodo 5:20

Pagꞌuliꞌ nira nga garing ngayti duꞌun it adiꞌ, naragpangan nira si Moises baw si Aaron. Magꞌelat i duwa ngayti it kanira.

Exodo 6:9

Ta muꞌsa ngayti, isiyugid ni Moises duꞌun it mga Israelita, temed daꞌsira na mamagpamayaꞌ ka nariga na sira it pagpakuriꞌan na ngayti sirang banar nga subuk ega na kaya nira.

Mga Bilang 14:3

Unuka maka papaꞌaduꞌunun tami gasit AMPUꞌANG DIYUS it iting banwa? Itu, baraꞌan ta kaytu, sariyen ta nayat pangimatay it mga kalaban ta! Iyan mga anak, asawa ta, dakepanen na nira. Magayen pay paꞌuliꞌ tami naga duꞌut Egipto!”

1 Samuel 13:4

Pagkaꞌrut it mga Israelita it nasakep na ni Saul i sang kakampuwan nga mga Filisteo, baw naꞌrutan nira gasiꞌ nga pagꞌisgan na sirat mga iti ngayti, nagꞌurunyun na sira nga paꞌaduꞌun it ki Saul duꞌut Gilgal ka tumabang nat pakibunuꞌ.